ദുബായ് > ഒക്ടോബറില് ആരംഭിക്കുന്ന ട്വന്റി 20 ലോകകപ്പിന്റെ ഗ്രൂപ്പുകള് ഐസിസി പ്രഖ്യാപിച്ചു. ഇന്ത്യയും പാകിസ്ഥാനും ഒരേ ഗ്രൂപ്പിലാണ് ഉള്പ്പെട്ടിരിക്കുന്നത്. ന്യൂസിലാന്ഡ്, അഫ്ഗാനിസ്താന്, ഗ്രൂപ്പ് എ റണ്ണറപ്പ്, ഗ്രൂപ്പ് ബി വിജയി എന്നിവരും ഇന്ത്യയ്ക്കും പാകിസ്ഥാനും ഒപ്പം ഗ്രൂപ്പ് 2ല് ഉണ്ട്. ഗ്രൂപ്പ് ഒന്നില് ഓസ്ട്രേലിയ, ഇംഗ്ലണ്ട്, ദക്ഷിണാഫ്രിക്ക, വെസ്റ്റിന്ഡീസ്, യോഗ്യതാ പോരാട്ടം കളിച്ചെത്തുന്ന രണ്ട് ടീമുകളുമാണ് ഉള്പ്പെട്ടിട്ടുള്ളത്.
രണ്ട് ഗ്രൂപ്പുകളിലായി ആകെ 12 ടീമുകളാണ് ടൂര്ണമെന്റില് മാറ്റുരയ്ക്കുന്നത്. യോഗ്യതാ പോരാട്ടം കളിച്ചെത്തുന്ന നാല് ടീമുകള് കൂടിയതാണ് 12 ടീമുകള്. യോഗ്യതാ പോരാട്ടത്തിന്റെ എ ഗ്രൂപ്പില് ശ്രീലങ്ക, അയര്ലന്ഡ്, ഹോളണ്ട്, നമീബിയ ടീമുകളാണുള്ളത്. ഗ്രൂപ്പ് ബിയില് ബംഗ്ലാദേശ്, സ്കോട്ലന്ഡ്, പപ്പുവ ന്യു ഗ്വിനിയ, ഒമാന് ടീമുകളും ഉണ്ട്.
The Men’s #T20WorldCup 2021 groups are out
