റിയോ ഡി ജനീറോ> പത്ത് ദിവസമായി തുടർച്ചയായി എക്കിള് അനുഭവപ്പെട്ടതിനെത്തുടര്ന്ന് ബ്രസീല് പ്രസിഡന്റ് ജെയ്ര് ബൊല്സൊനാരോയെ ആശുപത്രിയില് പ്രവേശിപ്പിച്ചു.
കുടല് സംബന്ധമായ പ്രശ്നങ്ങളെത്തുടര്ന്നാണ് പ്രസിഡന്റിന് അസ്വസ്ഥത ഉണ്ടായതെന്നാണ് വിവരം. അടിയന്തര ശസ്ത്രക്രിയ ആവശ്യമാണെന്നായിരുന്നു ആദ്യം സൈനിക ആശുപത്രി അറിയിച്ചത്. പിന്നീട് സാവോ പോളോയിൽ പരിശോധനയ്ക്ക് വിധേയനാക്കി. ശസ്ത്രക്രിയ ഉടന് നടത്തേണ്ടതില്ലെന്ന് ഡോക്ടര് അറിയിച്ചു.
2018ലെ തെരഞ്ഞെടുപ്പ് പ്രചാരണത്തിനിടെ ബൊല്സൊനാരോയ്ക്ക് കുത്തേറ്റ് കുടലില് സാരമായ പരിക്കേറ്റിരുന്നു.
