തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ഇന്ന് യെല്ലോ അലേര്ട്ട് പ്രഖ്യാപിച്ചിട്ടുള്ളത്. മറ്റു ജില്ലകളിലും ലക്ഷദ്വീപിലും ഗ്രീൻ അലേര്ട്ടാണുള്ളത്. യെല്ലോ അലേര്ട്ട് പ്രഖ്യാപിച്ചിട്ടുള്ള ജില്ലകളിൽ 24 മണിക്കൂറിനുള്ളിൽ 64.5 മില്ലിമീറ്റര് മുതൽ 115.5 മില്ലിമീറ്റര് വരെയാണ് മഴയ്ക്ക് സാധ്യതയുള്ളത്. ശനിയാഴ്ച നാലു ജില്ലകളിലും ഞായറാഴ്ച അഞ്ച് ജില്ലകളിലുമാണ് യെല്ലോ അലേര്ട്ടുള്ളത്. തിങ്കളാഴ്ച തിരുവനന്തപുരവും കൊല്ലവും ഒഴികെയുള്ള എല്ലാ ജില്ലകളിലും യെല്ലോ അലേര്ട്ടുണ്ട്.
Also Read:
കേരളതീരത്തു നിന്ന് മത്സ്യത്തൊഴിലാളികള് കടലിൽ പോകുന്നതിനും വിലക്കുണ്ട്. കേരളതീരത്ത് 50 കിലോമീറ്റര് വരെ വേഗത്തിൽ കാറ്റുവീശാൻ സാധ്യതയുണ്ടെന്നാണ് മുന്നറിയിപ്പ്. കൂടാതെ കര്ണാടക തീരത്തു ലക്ഷദ്വീപ് തീരത്തും കാലാവസ്ഥാകേന്ദ്രം മുന്നറിയിപ്പ് നല്കിയിട്ടുണ്ട്. വരുംദിവസങ്ങളിൽ കാറ്റിൻ്റെ വേഗതയിൽ കുറവുണ്ടാകുമെന്നാണ് റിപ്പോര്ട്ടിൽ പറയുന്നത്.
Also Read:
കേരള, കര്ണാടക തീരങ്ങളിൽ 2.5 മീറ്റര് മുതൽ 4.4 മീറ്റര് വരെ തിരമാല ഉയരാൻ സാധ്യതയുണ്ടെന്നും തീരദേശത്തു താമസിക്കുന്നവര് ജാഗ്രത പാലിക്കണമെന്നും നിര്ദേശമുണ്ട്. വിഴിഞ്ഞം മുതൽ കാസര്കോട് വരെയുള്ള തീരമേഖലകളിൽ വെള്ളിയാഴ്ച വൈകിട്ടു വരെയാണ് ജാഗ്രതാ നിര്ദേശമുള്ളത്.
