കൊച്ചി>
ഫഹദ് ഫാസിലിന്റെ പുതിയ ചിത്രം ‘മാലിക്’ ടെലഗ്രാമിൽ പ്രചരിക്കുന്നു. ആമസോൺ പ്രൈം വീഡിയോയിൽ ഒടിടി റിലീസ് ആയി മിനിറ്റുകൾക്കുള്ളിലാണ് ചിത്രം വിവിധ ടെലഗ്രാം ഗ്രൂപ്പുകളിൽ പ്രചരിച്ചത്.
മഹേഷ് നാരായണൻ സംവിധാനം ചെയ്ത ചിത്രം വ്യാഴാഴ്ചയാണ് ആമസോൺ പ്രൈമിൽ റിലീസ് ചെയ്തത്. പല ടെലഗ്രാം ഗ്രൂപ്പുകളിലും ബുധനാഴ്ച വൈകിട്ടുതന്നെ ചിത്രം അപ്ലോഡ് ചെയ്യുമെന്ന് സന്ദേശങ്ങൾ എത്തിയിരുന്നു. ചിത്രം ടെലഗ്രാമിൽ പ്രചരിക്കുന്നതിനെതിരെ സിനിമ ലോകത്തുനിന്ന് വ്യാപക പ്രതിഷേധം ഉയർന്നിട്ടുണ്ട്.
