രാമനാട്ടുകര> ചൊവ്വാഴ്ച വൈകുന്നേരം ചാലിയാറിൽ ഒഴുക്കിൽപ്പെട്ട് കാണാതായ യുവാവിൻ്റെ മൃതദേഹം കണ്ടെത്തി. മലപ്പുറം കൊണ്ടോട്ടി കാരാട് മൂന്നാം തൊടി എക്കാട്ട് നവീൻകുമാറിൻ്റ മകൻ ജിഷ്ണു (22)വിൻ്റെ മൃതദേഹമാണ്
വ്യാഴാഴ്ച പകൽ പന്ത്രണ്ടോടെ ചാലിയാറിൽ ഫാറൂഖ് കോളേജ് മണ്ണൊടി കടവിന് സമീപം കണ്ടെത്തിയത്.
ചാലിയാറിൽ കൂട്ടുകാരോടൊത്ത് കുളിക്കുന്നതിനിടെയാണ് യുവാവ് ഒഴുക്കിൽപ്പെട്ടത്. കൂടെയുണ്ടായിരുന്നവർ രക്ഷിക്കാൻ ശ്രമിച്ചെങ്കിലും പുഴയിലെ ശക്തമായ അടിയൊഴുക്കു കാരണം രക്ഷിക്കാനായില്ല. ചൊവ്വാഴ്ച വൈകുന്നേരം അഞ്ചോടെയായിരുന്നു സംഭവം .
