പത്താംതരം യോഗ്യത ; പിഎസ്‌സി രണ്ടാംഘട്ട പരീക്ഷ ഒക്ടോബർ 23 മുതൽ

തിരുവനന്തപുരം
പിഎസ്സി പത്താംതരം യോഗ്യതയുള്ള തസ്തികകളുടെ രണ്ടാംഘട്ട പരീക്ഷ ഓക്ടോബർ 23നും 30നും ഡിസംബർ ഒന്നു മുതൽ 11 വരെയും നടക്കും. പ്രാഥമിക പരീക്ഷയിലുണ്ടായ 192 തസ്തികയെ വിവിധ വിഭാഗങ്ങളായി തിരിച്ചാണ് മുഖ്യപരീക്ഷ. എൽഡിസി, ലാസ്റ്റ് ഗ്രേഡ് സർവന്റ്, എൽഡി ടൈപ്പിസ്റ്റ്, ആദ്യമായി നടക്കുന്ന സെക്രട്ടറിയറ്റ്/ പിഎസ്സി ഓഫീസ് അറ്റന്റൻഡ് തുടങ്ങിയവ ഇതിൽ ഉൾപ്പെടും. അഞ്ച് ഘട്ടമായി നടന്ന പ്രാഥമിക പരീക്ഷയുടെ അടിസ്ഥാനത്തിൽ ഓരോ തസ്തികയിലേക്കും ചുരുക്കപ്പട്ടിക സെപ്തംബറിൽ പ്രസിദ്ധീകരിക്കും. രണ്ടാംഘട്ട പരീക്ഷയ്ക്ക് പ്രത്യേക സ്ഥിരീകരണം നൽകേണ്ടതില്ല. ഓരോ തസ്തികയ്ക്കും പുതുക്കിയ സിലബസുണ്ട്. സമയം, കേന്ദ്രം എന്നിവ അഡ്മിഷൻ ടിക്കറ്റിൽ അറിയാം. ആദ്യമായാണ് പിഎസ്സി കൂടുതൽ തസ്തികയ്ക്ക് ദ്വിതല പരീക്ഷ നടത്തുന്നത്.