മുൻ ഗുജറാത്ത് ഡിജിപി കൂടിയായ ശ്രീകുമാര്‍ ഇപ്പോള്‍ അവിടെയാണ് താമസിക്കുന്നത്. ഗൂഡാലോചന കേസ് കേരളത്തിൽ രജിസ്റ്റര്‍ ചെയ്തതിനാൽ സംസ്ഥാനത്തെ കോടതിയിൽ അപേക്ഷ സമര്‍പ്പിക്കാനാവില്ല. അതാണ് ഗുജറാത്ത് ഹൈക്കോടതിയിൽ ട്രാൻസിറ്റ് ബെയിലിന് അപേക്ഷ നൽകിയത്.
ഇത്തരത്തിൽ ജാമ്യം ലഭിച്ചാൽ കേരളത്തിൽ മുൻകൂർ ജാമ്യാപേക്ഷ സമര്‍പ്പിക്കാൻ സാധിക്കും. അന്വേഷണത്തിനിടെ നമ്പി നാരായണനെ കണ്ടിട്ടില്ലെന്നാണ് ശ്രീകുമാര്‍ ഉന്നയിക്കുന്ന ഹര്‍‍ജിയിലെ പ്രധാന വാദം. കേസിൽ സിബിഐ അന്വേഷണം ആരംഭിച്ച ഘട്ടത്തിൽ തന്നെയാണ് ശ്രീകുമാറും ഇത്തരത്തിൽ ജാമ്യം തേടി കോടതിയെ സമീപിച്ചത്. ചാരക്കേസ് സമയത്ത് ഐബി ഡെപ്യൂട്ടി ഡയറക്ടറായിരുന്നു ശ്രീകുമാര്‍.
നമ്പി നാരായണനെ ഒരു ഘട്ടത്തിലും കണ്ടില്ലെന്നും ശശികുമാറിനെ മാത്രം ഒരു ദിവസം ചോദ്യം ചെയ്തു. സിബിഐ ആരോപിക്കുന്ന പോലെ ഗൂഡാലോചന നടന്നിട്ടില്ലെന്നും ജാമ്യാപേക്ഷയിൽ പറയുന്നു.
പ്രതികളെ സമൻസ് നൽകി ചോദ്യം ചെയ്യാനും വേണമെങ്കിൽ അറസ്റ്റ് ചെയ്യാനുമായിരുന്നു നീക്കം. മുൻകൂര്‍ ജാമ്യാപേക്ഷയിൽ കോടതി നിലപാട് അറിഞ്ഞിട്ട് പ്രതികള്‍ക്ക് സമൻസ് നൽകിയാൽ മതിയെന്നാണ് അന്വേഷണസംഘത്തിന്റെ തീരുമാനം.
അതിന് പുറമെ, ഐഎസ്ആര്‍ഒ ചാരക്കേസ് ഗൂഢാലോചന കേസിൽ മുൻ ഡീജിപി സിബി മാത്യൂസിന്റെ മുൻകൂർ ജാമ്യാപേക്ഷ നാളെ പരിഗണിക്കും. ഹർജിയിൽ വിശദ വാദം വേണമെന്ന് അഭിഭാഷകൻ ഇന്നലെ ജില്ലാ കോടതിയിൽ ആവശ്യപ്പെട്ടിരുന്നു.
Also Read :
കേസിലെ കക്ഷികളായ നമ്പി നാരായണനും മറിയം റഷീദയും വിശദ വാദം വേണമെന്ന ആവശ്യത്തെ അനുകൂലിച്ചു. തുടർന്നാണുവാദം കേൾക്കാനായി കോടതി ഹര്‍ജി നാളത്തേക്ക് മാറ്റിയത്. കൂടുതൽ രേഖകള്‍ മുദ്രവച്ച കവറിൽ സമര്‍പ്പിക്കാനുള്ള അനുമതിയും സിബി മാത്യൂസ് തേടിയിട്ടുണ്ട്.
