തിരുവനന്തപുരം> തിങ്കളാഴ്ച മുതല് ജൂലൈ 16 വരെ കേരള-കര്ണാടക-ലക്ഷദ്വീപ് തീരങ്ങളില് ശക്തമായ കാറ്റിനു സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുള്ളതിനാല് മത്സ്യത്തൊഴിലാളികള് കടലില് പോകരുതെന്ന് തിരുവനന്തപുരം ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
ഇന്ന് മുതല് ജൂലൈ 14 വരെ മണിക്കൂറില് 45 മുതല് 55 കി.മീ വരെ വേഗതയിലും ചില അവസരങ്ങളില് 65 കി.മീ വേഗതയിലും 15, 16 തീയതികളില് 40 മുതല് 50 കി.മീ. വരെ വേഗതയിലും ചില അവസരങ്ങളില് 60 കി.മീ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്നാണു മുന്നിറിയിപ്പ്.ഇന്ന് തെക്കന് ബംഗാള് ഉള്ക്കടലില് മണിക്കൂറില് 40 മുതല് 50 കി.മീ വരെ വേഗതയില്വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ അറിയിപ്പില് പറയുന്നു. മധ്യ കിഴക്കന് അറബിക്കടലില് 40 മുതല് 50 കി.മീ വരെ വേഗതയിലും ചില അവസരങ്ങളില് 65 കി.മീ വേഗതയിലും കാറ്റടിക്കാന് സാധ്യതയുണ്ട്.
ഇന്നും നാളെയും മധ്യ പടിഞ്ഞാറന് ബംഗാള് ഉള്ക്കടലിലും അതിനോടു ചേര്ന്നുള്ള ആന്ധ്രാ തീരങ്ങളിലും മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ട്.
ഇന്ന് മുതല് ജൂലൈ 16 വരെ തെക്കു പടിഞ്ഞാറന്-മധ്യ പടിഞ്ഞാറന് അറബിക്കടലില് മണിക്കൂറില് 45 മുതല് 55 കി.മീ വരെ വരെ വേഗതയിലും ചില അവസരങ്ങളില് 65 കി.മീ വേഗതയിലും വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇതു മുന്നിര്ത്തി ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിനു പോകരുതെന്നും കളക്ടര് അറിയിച്ചു.
ഉയര്ന്ന തിരമാലയ്ക്കു സാധ്യത; ജാഗ്രതാ നിര്ദേശം
കേരള തീരത്ത് വിഴിഞ്ഞം മുതല് കാസര്ഗോഡ് വരെ ജൂലൈ 13 രാത്രി 11.30 വരെ 2.5 മുതല് 3.5 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചിട്ടുള്ളതിനാല് തീരദേശത്തുള്ളവരും മത്സ്യത്തൊഴിലാളികളും ജാഗ്രത പാലിക്കണമെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
ഇതിനു പുറമേ ജൂലൈ 13 രാത്രി 11.30 വരെ കര്ണാടക തീരത്ത് മംഗലാപുരം മുതല് കാര്വാര് വരെ 2.5 മുതല് 3.9 മീറ്റര് വരെ ഉയരത്തിലും തമിഴ്നാട് തീരത്ത് കൊളച്ചല് മുതല് തമിഴ്നാടിന്റെ തെക്കുഭാഗത്തുള്ള കിലാകാരി വരെ 2.5 മുതല് 3.1 മീറ്റര് വരെ ഉയരത്തിലും തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചിട്ടുണ്ട്. അതിനാല് ഈ ഭാഗങ്ങളിലുള്ളവരും ജാഗ്രത പുലര്ത്തണം.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. മത്സ്യബന്ധന യാനങ്ങള് ഹാര്ബറില് കെട്ടിയിട്ട് സൂക്ഷിക്കണം. മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും അറിയിപ്പില് പറയുന്നു.
