കേസിൽ പ്രതികളായ , എന്നിവർക്കും നോട്ടീസ് നൽകി. പ്രതികളുടെ ഹർജി റദ്ദാക്കണമെന്ന് ആവശ്യപ്പെട്ട് പൊതുപ്രവർത്തകനായ ജോമോൻ പുത്തൻപുരയ്ക്കലാണ് ഹൈക്കൊടതിയെ സമീപിച്ചത്. പരോൾ നിയമവിരുദ്ധമാണെന്നാണ് ഹർജിയിൽ പറയുന്നത്. 90 ദിവസത്തേക്കാണ് പ്രതികൾക്ക് പരോൾ അനുവദിച്ചിരിക്കുന്നത്.
സുപ്രീം കോടതി നിയോഗിച്ച ജയിൽ ഹൈപവർ കമ്മിറ്റിയാണ് അഭയ കേസിലെ പ്രതികൾക്ക് പരോൾ അനുവദിച്ചതെന്ന ജയിൽ ഡിജിപിയുടെ വിശദീകരണം കളവാണെന്നാണ് ഹർജിക്കാരൻ്റെ വാദം. സുപ്രീംകോടതി ഉത്തരവ് പ്രകാരം പത്ത് വർഷത്തിൽ താഴെ ശിക്ഷിക്കപ്പെട്ട പ്രതികൾക്കാണ് പരോൾ അനുവദിച്ചത്. സിബിഐ കോടതി ശിക്ഷിച്ച് അഞ്ച് മാസം തികയും മുൻപ് പരോൾ അനുവദിച്ചത് നിയമവിരുദ്ധമാണെന്നാണ് ഹർജിയിൽ പറയുന്നത്.
പ്രതികൾക്ക് ഹൈപവർ കമ്മിറ്റി പരോൾ അനുവദിച്ചിട്ടില്ലെന്ന് വ്യക്തമാക്കുന്ന കേരളാ സ്റ്റേറ്റ് ലീഗൽ സർവ്വീസ് അതോറിറ്റി എക്സിക്യൂട്ടീവ് ചെയർമാനും ഹൈപവർ അധ്യക്ഷനുമായ ജസ്റ്റിസ് സിടി രവികുമാറിന്റെ ഉത്തരവിന്റെ കോപ്പി ഹർജിക്കാരൻ മുൻപ് ഹാജരാക്കിയിരുന്നു.
28 വർഷം നീണ്ട നിയമ പോരാട്ടത്തിനൊടുവിലാണ് അഭയ കേസ് പ്രതികളായ തോമസ് കോട്ടൂർ, മൂന്നാം പ്രതി സി. സെഫി എന്നിവർക്ക് കോടതി ശിക്ഷ വിധിച്ചത്. കഴിഞ്ഞ മേയ് 11 നാണ് ഇവർക്ക് സംസ്ഥാന സർക്കാർ പരോൾ അനുവദിച്ചത്. അഞ്ച് മാസം തികച്ച് ജയിലിൽ കിടക്കും മുമ്പാണ് പരോൾ. ഇവരുടെ ജാമ്യാപേക്ഷ ഹൈക്കോടതി അഞ്ച് തവണ പരിഗണിച്ചിരുന്നെങ്കിലും ജാമ്യം അനുവദിച്ചിരുന്നില്ല.
