ജെസ്യൂസ്‌ ഫൈനലിന്‌ ഇല്ല

റിയോ
ബ്രസീൽ മുന്നേറ്റക്കാരൻ ഗബ്രിയേൽ ജെസ്യൂസ് കോപ അമേരിക്ക ഫുട്ബോൾ ഫൈനലിന് ഇല്ല. ചിലിക്കെതിരായ ക്വാർട്ടറിൽ ചുവപ്പുകാർഡ് കണ്ട ജെസ്യൂസിന് ലാറ്റിനമേരിക്കൻ ഫുട്ബോൾ ഫെഡറേഷൻ രണ്ടു കളിയിൽ വിലക്ക് ഏർപ്പെടുത്തിയിട്ടുണ്ട്. സെമിയിൽ പെറുവിനെതിരെ പുറത്തിരുന്ന ജെസ്യൂസ് ഇതോടെ അർജന്റീനയ്ക്കെതിരായ ഫൈനലിലും പുറത്തിരിക്കണം. ചിലിയുടെ യൂജിനോ മെനയെ മുഖത്ത് ചവിട്ടിവീഴ്ത്തിയതിനാണ് ജെസ്യൂസ് നേരിട്ട് ചുവപ്പുകാർഡ് കണ്ടത്.