കൊച്ചി> ശിവഗിരി മുൻ മഠാധിപതി സ്വാമി പ്രകാശാനന്ദ (99)അന്തരിച്ചു. വാർധക്യ സഹജമായ രോഗങ്ങളെ തുടർന്ന് വർക്കല ശ്രീനാരായണ മിഷൻ ആശുപത്രിയിലായിരുന്നു അന്ത്യം. ഇന്ന് വൈകിട്ട് അഞ്ചിന് അദ്ദേഹത്തെ സമാധിയിരുത്തും.
ദീര്ഘകാലം ശിവഗിരി ശ്രീനാരായണ ധര്മസംഘം ട്രസ്റ്റ് പ്രസിഡന്റായിരുന്നു. 1922 ഡിസംബറിലാണ് ജനനം. 23 മത്തെ വയസ്സിലാണ് അദ്ദേഹം സന്യാസ ദീക്ഷ സ്വീകരിച്ചത്. 1977ൽ ശിവഗിരി ശ്രീനാരായണ ധര്മസംഘം ട്രസ്റ്റ് ജനറൽ സെക്രട്ടറിയായും 2006 മുതൽ പത്തുവർഷം ട്രസ്റ്റ് പ്രസിഡന്റായും പ്രവർത്തിച്ചു.
