തിരുവനന്തപുരം: കൊടകര കുഴൽപ്പണക്കേസിൽ ബിജെപി സംസ്ഥാന അധ്യക്ഷൻ കെ സുരേന്ദ്രനെ ചോദ്യം ചെയ്യും. ചൊവ്വാഴ്ച രാവിലെ ഹാജരാകണമെന്ന് വ്യക്തമാക്കി നോട്ടീസ് കൈമാറി. കോഴിക്കോട്ടെ വീട്ടിലെത്തിയാണ് പോലീസ് നോട്ടീസ് കൈമാറിയത്.
ചൊവ്വാഴ്ച രാവിലെ പത്ത് മണിക്ക് തൃശൂർ പോലീസ് ക്ലബിൽ ഹാജരാകണമെന്ന് വ്യക്തമാക്കിയാണ് സുരേന്ദ്രന് പോലീസ് നോട്ടീസ് നൽകിയത്. നോട്ടീസ് ലഭ്യമായെങ്കിലും സുരേന്ദ്രൻ ചോദ്യം ചെയ്യലിന് ഹാജരാകില്ലെന്നാണ് പുറത്തുവരുന്ന റിപ്പോർട്ട്. കൊടകര കവർച്ച കേസിൽ ഇനി ചോദ്യം ചെയ്യലുമായി സഹകരിക്കില്ലെന്ന് ബിജെപി മുൻപ് വ്യക്തമാക്കിയിരുന്നു. ഈ തീരുമാനത്തിൽ മാറ്റം ഉണ്ടാകില്ലെന്നാണ് ബിജെപി വൃത്തങ്ങളിൽ നിന്നും ലഭിക്കുന്ന വിവരം.
