യൂറോകപ്പ് ക്വാർട്ടർ ഫൈനലിൽ രണ്ടാമത്തെ മത്സരത്തിൽ ബെൽജിയവും ഇറ്റലിയും ഏറ്റമുട്ടും. ഇന്ത്യൻ സമയം ഇന്ന് അർദ്ധരാത്രി കഴിഞ്ഞ് 12.30നാണ് മത്സരം.
റൗണ്ട് ഓഫ് 16ൽ തോർഗൻ ഹസാർഡിന്റെ ഗോളിൽ പോർച്ചുഗലിനെ എതിരില്ലാത്ത ഒരു ഗോളിന് തോൽപിച്ചാണ് ബെൽജിയം യൂറോകപ്പ് ക്വാർട്ടർ ഫൈനലിൽ കടന്നത്. കെവിൻ ഡി ബ്രൂയിനും ഈഡൻ ഹസാർഡും പരിക്കുകളെത്തുടർന്ന് വിട്ടുനിൽക്കുന്നുണ്ട്. എന്നാൽ ഈ രണ്ട് താരങ്ങളുടെ അഭാവത്തിലും ബെൽജിയത്തിന് ആത്മവിശ്വാസത്തോടെ ഇറങ്ങാമെന്ന് വ്യക്തമാക്കുന്നവയായിരുന്നു പ്രാഥമിക റൗണ്ടിലും പ്രീക്വാർട്ടറിലുമുള്ള ബെൽജിയത്തിന്റെ പ്രകടനങ്ങൾ.
കളിച്ച നാല് മത്സരങ്ങളിലും ജയിച്ച ബെൽജിയം ഡെൻമാർക്കുമായുള്ള രണ്ടാം മത്സരത്തിലൊഴികെ മൂന്ന് മത്സരങ്ങളും ഏകപക്ഷീയമായ ഗോളുകൾക്കായിരുന്നു ജയിച്ചത്. ഡെൻമാർക്കിനെ ഒന്നിനെതിരെ രണ്ട് ഗോളിന് തോൽപിച്ചപ്പോൾ പ്രാഥമിക റൗണ്ടിലെ മറ്റ് മത്സരങ്ങളിൽ റഷ്യയെ എതിരില്ലാത്ത മൂന്ന് ഗോളിനും ഫിൻലാഡിനെ എതിരില്ലാത്ത രണ്ട് ഗോളിനുമാണ് ബെൽജിയം തോൽപിച്ചത്.
റൗണ്ട് ഓഫ് 16ൽ ഓസ്ട്രിയയെ ഒന്നിനെതിരെ രണ്ട് ഗോളിന് പരാജയപ്പെടുത്തിയാണ് ഇറ്റലി ക്വാർട്ടറിൽ പ്രവേശിച്ചത്. 1-1ന് സമനിലയിൽ മുന്നേറിയ മത്സരം എക്സ്ട്രാ ടൈമിലെത്തിയ ശേഷമാണ് ഇറ്റലി വിജയഗോൾ നേടിയിരുന്നത്. അതേ സമയം അടുത്ത കാലത്ത് പരാജയം അനുഭവിക്കാത്ത ടീം എന്ന ആത്മവിശ്വാസം ഇറ്റലിക്കുണ്ട്. ജയവും സമനിലയും മാത്രമാണ് സമീപകാലത്ത് അസൂറികൾ നേടിയത്.
ഇത്തവണത്തെ യൂറോ കപ്പ് സീസണിൽ കളിച്ച നാലാ മത്സരങ്ഹളിലും ഇറ്റലി വിജയിച്ചു. ഇതിൽ പ്രാഥമിക റൗണ്ടിലെ മൂന്ന് മത്സരങ്ങളിലും ഏകപക്ഷീയമായിരുന്നു ജയം. തുർക്കിയെയും സ്വിറ്റ്സർലൻഡിനെയും വെയിൽസിനെ എതിരില്ലാത്ത ഒരു ഗോളിനുമായിരുന്നു ഇറ്റലി പ്രാഥമിക റൗണ്ടിൽ തോൽപിച്ചത്.
Euro Cup 2020 Matches Today (In IST) – യൂറോ കപ്പിലെ ഇന്നത്തെ മത്സരങ്ങള്‍ (ഇന്ത്യന്‍ സമയം)
- സ്പെയിന്‍ – സ്വിറ്റ്സര്‍ലന്‍ഡ് (രാത്രി 9.30)
- ബെൽജിയം- ഇറ്റലി (രാത്രി 12.30)
How to watch the live telecast of Euro Cup 2020? യൂറോ കപ്പിന്റെ തത്സമയ സംപ്രേക്ഷണം എങ്ങനെ കാണാം?
യൂറോ കപ്പിന്റെ തത്സമയ സംപ്രേക്ഷണം സോണി സ്പോര്‍ട്സ് ചാനല്‍ വഴിയാണ് കാണാന്‍ സാധിക്കുക. ഹിന്ദി കമന്ററിയില്‍ മത്സരം സോണി ടെന്‍ മൂന്നില്‍ കാണാം.
How to watch the live streaming of Euro Cup 2020 matches? യൂറൊ കപ്പിന്റെ ലൈവ് സ്ട്രീമിങ് എങ്ങെനെ കാണാം
സോണി ലൈവ് ആപ്ലിക്കേഷനില്‍ യൂറോ കപ്പ് മത്സരങ്ങളുടെ ലൈവ് സ്ട്രീമിങ് ഉണ്ടാകും
The post Belgium vs Italy: UEFA EURO 2020 Live Streaming: ബെൽജിയം- ഇറ്റലി ക്വാർട്ടർ പോരാട്ടം: മത്സരം എവിടെ, എപ്പോൾ കാണാം? appeared first on Indian Express Malayalam.
