Also Read:
മഹാമാരിയിൽ നിന്ന് മുക്തരാകാൻ പരമാവധി പേര്‍ക്ക് വാക്സിൻ നല്‍കേണ്ടതുണ്ടെന്ന് മുഖ്യമന്ത്രി വ്യക്തമാക്കി. വാക്സിൻ ലഭിക്കുന്ന മുറയ്ക്ക് കൃത്യമായി വാക്സിൻ വിതരണം ചെയ്യാൻ കഴിയുന്നുണ്ട്. സംസ്ഥാനം ആവശ്യപ്പെടുന്ന അളവിൽ കേന്ദ്രത്തിൽ നിന്ന് വാക്സിൻ ലഭിച്ചാൽ മൂന്നോ നാലോ മാസത്തിനുള്ളിൽ കേരളത്തിൽ സാമൂഹിക പ്രതിരോധ ശേഷി ആര്‍ജിക്കാൻ സാധിക്കുമെന്നും മുഖ്യമന്ത്രി പറഞ്ഞു. അതേസമയം, കേന്ദ്രസര്‍ക്കാരിൽ നിന്ന് സംസ്ഥാനത്തെ സ്വകാര്യ ആശുപത്രികള്‍ക്ക് ആവശ്യത്തിന് വാക്സിൻ ലഭിക്കുന്നില്ലെന്നും മുഖ്യമന്ത്രി പറഞ്ഞു. അവര്‍ മറ്റ് ഏജൻസികള്‍ വഴിയാണ് വാക്സിൻ ശേഖരിക്കുന്നത്. 25 ശതമാനം വാക്സിൻ രാജ്യത്തെ സ്വകാര്യ ആശുപത്രികള്‍ വഴിയായിരിക്കും വിതരണം ചെയ്യുകയെന്ന് കേന്ദ്രം അറിയിച്ചിട്ടുണ്ടെന്നും സാമൂഹിക പ്രതിരോധമെന്ന ലക്ഷ്യം കൈവരിക്കാൻ എല്ലാവരും ഒരുമിച്ചു നിൽക്കേണ്ടതുണ്ടെന്നും മുഖ്യമന്ത്രി വ്യക്തമാക്കി.
Also Read:
ജൂൺ 29 വരെയുള്ള കണക്കുകള്‍ പ്രകാരം സംസ്ഥാനത്ത് 1,38,62,459 ഡോസ് വാക്സിൻ വിതരണം ചെയ്തിട്ടുണ്ട്. 45 വയസ്സിനു മുകളിൽ പ്രായമുള്ളവരിൽ 78,12,226 പേര്‍ക്ക് ആദ്യഡോസ് വാക്സിൻ ലഭിച്ചു. രണ്ടാമത്തെ ഡോസ് വാക്സിൻ ലഭിച്ചത് 22,76,856 പേര്‍ക്കാണ്. 18 വയസ്സിനും 44 വയസ്സിനും മുകളിൽ പ്രായമുള്ള 18,05,308 പേര്‍ക്ക് ആദ്യ ഡോസ് വാക്സിൻ ലഭിച്ചു. 23,989 പേര്‍ക്കാണ് രണ്ട് ഡോസുകളും ലഭിച്ചത്. 4,26,737 ആരോഗ്യപ്രവര്‍ത്തകര്‍ക്ക് രണ്ട് ഡോസ് വാക്സിനും ലഭിച്ചു. 5,36,218 പേരാണ് ആദ്യ ഡോസ് സ്വീകരിച്ചത്. മുൻനിര പ്രവര്‍ത്തകരിൽ 5,51,272 പേര്‍ ആദ്യ ഡോസും 4,29,737 പേര്‍ രണ്ടാമത്തെ ഡോസ് വാക്സിൻ ലഭിച്ചിട്ടുണ്ടെന്നും സര്‍ക്കാര്‍ കണക്കുകള്‍ വ്യക്തമാക്കുന്നു.
