UEFA EURO 2020- England Germany Live Streaming: യുവേഫ യൂറോകപ്പിൽ റൗണ്ട് ഓഫ് 16ൽ ഇന്ന് ഇംഗ്ലണ്ടും ജർമനിയും ഏറ്റുമുട്ടും. ഇന്ത്യൻ സമയം ഇന്ന് രാത്രി 9.30ന് ലണ്ടനിലെ വെംബ്ലി സ്റ്റേഡിയത്തിലാണ് മത്സരം. മത്സരത്തിൽ വിജയിക്കുന്ന ടീമിന് യൂറോ കപ്പ് ക്വാർട്ടർ ഫൈനലിൽ പ്രവേശിക്കാം.
അന്താരാഷ്ട്ര ഫുട്ബോളിന്റെ ഏറ്റവും വലിയ വൈരങ്ങളിലൊന്നായി കരുതുന്നതാണ് ഇംഗ്ലണ്ടും ജർമനിയും തമ്മിലുള്ള വൈരത്തെ. യൂറോ 2020ൽ ക്വാർട്ടർ യോഗ്യത നേടുന്നതിനായി ഇരു ടീമുകളും ഏറ്റമുട്ടുകയാണ്.
റൗണ്ട് ഓഫ് 16ൽ രണ്ട് മത്സരങ്ങളാണ് ഇനി അവശേഷിക്കുന്നത്. ഇംഗ്ലണ്ട്-ജർമനി മത്സരത്തിന് പുറമെ സ്വീഡൻ- ഉക്രയിൻ മത്സരം കൂടിയാണ് പ്രീ ക്വാർട്ടറിൽ ഇനി പൂർത്തിയാവാനുള്ളത്.ഇന്ത്യൻ സമയം ഇന്ന് അർദ്ധരാത്രി കഴിഞ്ഞ് 12.30നാണ് സ്വീഡൻ ഉക്രയിൻ മത്സരം.
ജൂലൈ രണ്ട് മുതസാണ് ക്വാർട്ടർ മത്സരങ്ങൾ. സ്വിറ്റ്സർലൻഡ്, സ്പെയിൻ, ബെൽജിയം, ഇറ്റലി, ചെക്ക് റിപ്പബ്ലിക്, ഡെൻമാർക്ക് ടീമുകൾ ഇതിനകം ക്വാർട്ടറിൽ ഇടം നേടി. പോർച്ചുഗൽ, ഫ്രാൻസ്, ക്രൊയേഷ്യ, നെതർലാൻ്ഡ്സ്, ഓസ്ട്രിയ, വെയിൽസ് ടീമുകൾ റൗണ്ട് ഓഫ് 16ൽ പുറത്തായി.
വെള്ളിയാഴ്ച രാത്രി 9.30 നുള്ള ആദ്യ ക്വാർട്ടറിൽ സ്പെയിൻ സ്വിറ്റ്സർലൻഡിനെ നേരിടും. 12.30ന് നടക്കുന്ന രണ്ടാം മത്സരത്തിൽ ബെൽജിയവും ഇറ്റലിയും ഏറ്റുമുട്ടും. ജൂലൈ മൂന്ന് ശനിയാഴ്ച രാത്രി 9.30നുള്ള മൂന്നാം മത്സരത്തിൽ ഡെൻമാർക്കും ചെക്ക് റിപ്പബ്ലിക്കും ഏറ്റുമുട്ടും.റൗണ്ട് ഓഫ് 16ൽ ഇനി അവശേഷിക്കുന്ന മത്സരങ്ങളിലെ വിജയികൾ നാലാം ക്വാർട്ടർ ഫൈനൽ മത്രത്തിൽ ഏറ്റുമുട്ടും.
The post UEFA EURO 2020- England Germany Live Streaming: ക്വാർട്ടർ ലക്ഷ്യമിട്ട് ഇംഗ്ലണ്ടും ജർമനിയും; മത്സരം എവിടെ, എപ്പോൾ കാണാം? appeared first on Indian Express Malayalam.
