തിരുവനന്തപുരം > സ്കൂള് അധ്യാപകരായി നിയമന ഉത്തരവ് ലഭിച്ചവരെ ഉടന് ജോലിയില് പ്രവേശിപ്പിക്കാന് സര്ക്കാര് തീരുമാനം. സ്കൂള് അധ്യാപക നിയമനവുമായി ബന്ധപ്പെട്ട കാര്യങ്ങള് ചര്ച്ച ചെയ്യാന് മുഖ്യമന്ത്രിയുടെ നേതൃത്വത്തില് ചേര്ന്ന ഉന്നതതല യോഗത്തിലാണ് തീരുമാനം.
യോഗത്തില് പൊതു വിദ്യാഭ്യാസ വകുപ്പ് മന്ത്രി വി ശിവന്കുട്ടി, ധനവകുപ്പ് മന്ത്രി കെ. എന്. ബാലഗോപാല്, ചീഫ് സെക്രട്ടറി ഡോ. വി. പി ജോയ്, ധനവകുപ്പ് അഡീഷണല് ചീഫ് സെക്രട്ടറി ആര്.കെ. സിംഗ്, പൊതുവിദ്യാഭ്യാസ സെക്രട്ടറി മുഹമ്മദ് ഹനീഷ്, ഡയറക്ടര് ജനറല് ഓഫ് എഡ്യുക്കേഷന് കെ ജീവന് ബാബു തുടങ്ങിയവര് പങ്കെടുത്തു.
