അതേസമയം, സഭയുടെ പേരിലുള്ള ആസ്തി വിറ്റ് ഭൂമി വിവാദം അവസാനിപ്പിക്കാൻ വത്തിക്കാൻ നിര്‍ദേശം നല്‍കിയെന്നാണ് റിപ്പോര്‍ട്ടിൽ പറയുന്നത്. കോട്ടപ്പടിയിലെ ഭൂമി വിറ്റു നഷ്ടം നികത്താനാണ് അതിരൂപതയ്ക്ക് വത്തിക്കാൻ നല്‍കിയിരിക്കുന്ന നിര്‍ദേശം. കൂടാതെ ഈ ഭൂമി വിൽക്കുന്നതു തടയാൻ ശ്രമിക്കുന്നവര്‍ക്കെതിരെ കര്‍ശന നടപടി സ്വീകരികകണമെന്നും നിര്‍ദേശമുണ്ട്. ഭൂമി വിവാദം പഠിച്ച കൺസള്‍ട്ടൻസി സ്ഥാപനമായ കെപിഎംജി നല്‍കിയ റിപ്പോര്‍ട്ടിൻ്റെ അടിസ്ഥാനത്തിലാണ് വത്തിക്കാൻ നിര്‍ദേശം.
Also Read:
അതേസമയം, കെപിഎംജി കമ്മീഷൻ റിപ്പോര്‍ട്ടിൽ മാര്‍ ജോര്‍ജ് ആലഞ്ചേരിയ്ക്കെതിരെ ഗുരുതരമായ പരാമര്‍ശങ്ങളാണുള്ളതെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട്. തൻ്റെ പേരിൽ ദീപിക ഓഹരി എടുത്താൽ ഭൂമി ഇടപാട് നടത്തി ലഭിച്ച തുക സാവധാനം സഭയ്ക്ക് നല്‍കിയാൽ മതിയെന്ന് ദല്ലാളിന് ആനുകൂല്യം നല്‍കിയെന്നു റിപ്പോര്‍ട്ടിൽ പറയന്നു. ഇതു സംബന്ധിച്ച് കര്‍ദിനാളും ഭൂമി ദല്ലാളായ സാജു വര്‍ഗീസുമായി സംസാരിക്കുന്നതു താൻ കേട്ടെന്നാണ് ഫാദര്‍ ജോഷി പുതുവ പറയുന്നത്. ഇക്കാര്യം മോൺസിഞ്ഞോര്‍ ഫാദര്‍ സെബാസ്റ്റ്യൻ വടക്കുമ്പാടനും സ്ഥിരീകരിച്ചിട്ടുണ്ട്.
Also Read:
അതേസമയം, തനിക്ക് സാജു വര്‍ഗീസുമായി ഭൂമി ഇടപാടിൻ്റെ സമയത്തെ ബന്ധം മാത്രമാണുള്ളതെന്നാണ് കര്ദിനാള് നല്‍കിയിര്കകുന്ന മൊഴി. എന്നാൽ ശാസ്ത്രീയ തെളിവുകളുടെ അടിസ്ഥാനത്തിൽ ഈ മൊഴി കളവാണെന്ന് കമ്മീഷൻ കണ്ടെത്തിയതായും റിപ്പോര്‍ട്ടിൽ പറയുന്നു. കമ്മീഷനു മൊഴി കൊടുത്തിതിനു ശേഷം കര്ദിനാള് ആദ്യം ബന്ധപ്പെട്ടത് സാജു വര്‍ഗീസിനെയാണെന്നും ഭൂമി ഇടപാട് വിവാദമായതിനു ശേഷം മൊത്തം 23 തവണ കര്ദിനാള് സാജുവിനെ വിളിച്ചിട്ടുണ്ടെന്നും റിപ്പോര്‍ട്ടിൽ പറയുന്നു.
