തിരുവനന്തപുരം: ക്ഷേത്രങ്ങളുടെ ഉപയോഗമില്ലാത്ത ഭൂമി ക്ഷേത്രത്തിനും ആചാരങ്ങൾക്കും ദോഷം വരാത്ത രീതിയിൽ ദേവസ്വം ബോർഡിന്റെ വരുമാനത്തിനായി ഉപയോഗിച്ചാൽ നന്നായിരിക്കുമെന്ന് ദേവസ്വം വകുപ്പ് മന്ത്രി .
തിരുവിതാംകൂർ ദേവസ്വം ബോർഡിന് 2000 ഏക്കർ ഭൂമിയും മലബാർ ദേവസ്വം ബോർഡിന് 25000 ഏക്കർ ഭൂമിയും ഇത്തരത്തിലുണ്ടെന്ന് മന്ത്രി വ്യക്തമാക്കി. സ്ഥലം നിശ്ചിത വർഷത്തേക്ക് പാട്ടം നൽകിയാൽ കെട്ടിടം നിർമ്മിച്ച് വരുമാന സ്രോതസ് ഉണ്ടാക്കി കൈമാറാമെന്ന വ്യവസ്ഥയിൽ ചിലർ സമീപിച്ചിരുന്നുവെന്നും മന്ത്രി പറഞ്ഞു.
എന്നാൽ തുടക്കത്തിൽ വിവാദമാണ് ഉണ്ടായത്. എന്നാൽ വിഷയത്തിൽ വിവാദമല്ല സംവാദമാണ് നടക്കേണ്ടതെന്ന് മന്ത്രി വ്യക്തമാക്കി. ദേവസ്വം ബോർഡുകളുടെ സ്വയംപര്യാപ്തതയാണ് ലക്ഷ്യമിടുന്നതെന്നും കേസരി സ്മാരക ട്രസ്റ്റിന്റെ മുഖാഭിമുഖത്തിൽ അദ്ദേഹം പറഞ്ഞു, മനോരമ റിപ്പോർട്ട് ചെയ്തു.
