അസർബെയ്ജാൻ
ഷെർദാൻ ഷക്കീരിയുടെ ഇരട്ട ഗോൾ മികവിൽ സ്വിറ്റ്സർലൻഡ് ഒന്നിനെതിരെ മൂന്ന് ഗോളിന് തുർക്കിയെ തോൽപിച്ചു. ഗ്രൂപ്പ് എ യിൽ മൂന്ന് കളിയും തോറ്റ് തുർക്കി പുറത്തായി. സ്വിറ്റ്സർലൻഡിനും വെയ്ൽസിനും നാല് പോയിന്റുണ്ട്. ഗോൾ ശരാശരിയിൽ വെയ്ൽസ് പ്രീക്വാർട്ടറിൽ കടന്നു. മികച്ച മൂന്നാം സ്ഥാനക്കാരുടെ ഊഴത്തിനായി സ്വിസ് കാത്തിരിക്കണം.
കളിയുടെ ആറാം മിനിറ്റിൽ ഹാരിസ് സെഫെറൊവിച്ചിലൂടെ സ്വിസ് മുന്നിലെത്തി. 26–-ാം മിനിറ്റിൽ ഷക്കീരി ലീഡ് ഉയർത്തി. രണ്ടാം പകുതിയിൽ പൊരുതിക്കളിച്ച തുർക്കി 62–-ാം മിനിറ്റിൽ ഇർഫാൻ കാഹ്വെസിയിലൂടെ ആശ്വാസ ഗോൾ കണ്ടെത്തി. ആറ് മിനിറ്റിൽ ഷക്കീരി വീണ്ടും ഗോളടിച്ചു.ഇറ്റലിക്കെതിരായ മൂന്ന് ഗോൾ തോൽവിയാണ് സ്വിസിന് തിരിച്ചടിയായത്. സ്വിറ്റ്സർലൻഡും വെയ്ൽസും തമ്മിലുള്ള കളി ഓരോ ഗോളടിച്ച് സമനിലയായിരുന്നു.
