Also Read :
പാലക്കാട്, പിരായിരി ചുങ്കത്ത് ഇന്നലെ രാവിലെ പത്തരയോടെയാണ് സംഭവം. രണ്ടുവയസ്സുള്ള ആൺകുട്ടികള്‍ കളിക്കുന്നതിനിടെ വീട്ടിലെ വാതിൽ ലോക്ക് ആകുകയും മുറിക്കുള്ളിൽ കുടുങ്ങിപ്പോകുകയായിരുന്നു. പിന്നീട്, കുട്ടികളെ രക്ഷിച്ചത് ഫ്ലാറ്റിനു പുറത്തുള്ള റോഡിൽ കൊവിഡ് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥരുടെ സാഹസിക ഇടപെടലാണ്.
കളിക്കുന്നതിനിടെ വാതിൽ ശക്തമായി അടഞ്ഞു ലോക്ക് പൊട്ടി ഇരുവരും മുറിക്കുള്ളിൽ കുടുങ്ങുകയായിരുന്നു. ജനലുകൾ പൂട്ടിയിട്ടതിനാലും മുറിയിൽ ഇരുട്ടായതിനാലും കുട്ടികൾ പേടിച്ചു നിലവിളിക്കുകയും ചെയ്തു. പുറത്തുണ്ടായിരുന്ന കുട്ടികളുടെ അമ്മയും മുത്തശ്ശിയും ഒട്ടേറെ തവണ ശ്രമിച്ചെങ്കിലും വാതിൽ തുറക്കാൻ സാധിച്ചില്ല.
ഇതിനിടെ ശ്വാസം കിട്ടുന്നില്ല എന്ന് കുട്ടികൾ പറഞ്ഞതോടെ ഇവര്‍ കൂടുതൽ ഭീതിയിൽ ആയി ഇവരുടെ ശബ്ദം കേട്ടാണ് താഴെ റോഡിൽ ഡ്യൂട്ടിയിലുണ്ടായിരുന്ന നോർത്ത് സ്റ്റേഷൻ സിവിൽ പോലീസ് ഓഫീസർ എൻ. സായൂജ്, ട്രാഫിക് സ്റ്റേഷനിലെ സിവിൽ പോലീസ് ഓഫീസർ കെ. ഹക്കീം എന്നിവർ ഫ്ലാറ്റിൽ എത്തിയത്.
Also Read :
ഉദ്യോഗസ്ഥര്‍ ആദ്യം പൈപ്പ് വഴി കയറി ജനൽ തുറക്കാൻ നോക്കിയെങ്കിലും ഫലം കണ്ടില്ല. പിന്നീട് വാളുപയോഗിച്ച് പൊളിച്ചാണ് അകത്തുകയറാൻ ആയത്. ഈ സമയം കുട്ടികൾ തളർന്ന അവസ്ഥയിലായിരുന്നു ഉടൻ ഇവർക്കാവശ്യമായ പ്രഥമ ശുശ്രൂഷയും പോലീസ് ഉദ്യോഗസ്ഥർ തന്നെ നൽകി.
