Copa America 2021 Argentina vs Uruguay: കോപ്പ അമേരിക്കയില്‍ ചിലിയുമായുള്ള ആദ്യമത്സരത്തിൽ 1-1ന് സമനിലയിൽപെട്ട അർജന്റീന ആദ്യ ജയം ലക്ഷ്യമിട്ട് ഉറുഗ്വായെ നേരിടും. ഇന്ത്യൻ സമയം ശനിയാഴ്ച (ജൂൺ 19) പുലർച്ചെ 5.30നാണ് മത്സരം. സീസണിൽ ഉറുഗ്വായുടെ ആദ്യ മത്സരമാണിത്.
നിലവിൽ ഗ്രൂപ്പ് ബിയിൽ ഒരു പോയിന്റുമായി രണ്ടാം സ്ഥാനത്താണ് അർജന്റീന. ഒരു പോയിന്റ് നേടിയ ചിലി മൂന്നാമതാണ്. ആദ്യ മത്സരത്തിൽ ബൊളീവിയയെ ഒന്നിനെതിരെ മൂന്ന് ഗോളിന് തോൽപിച്ച പരാഗ്വെയാണ് മൂന്ന് പോയിന്റോടെ ഗ്രൂപ്പിൽ ഒന്നാം സ്ഥാനത്ത്. അഞ്ച് ടീമുകളുള്ള ഗ്രൂപ്പ് ബിയിൽ ബോളീവിയയാണ് ഏറ്റവും പിറകിൽ.
ഗ്രൂപ്പിൽ മറ്റൊരു മത്സരത്തിൽ ചിലി, ബൊളീവിയയെ നേരിടും. വെള്ളിയാഴ്ച അർദ്ധരാത്രി കഴിഞ്ഞ് ഇന്ത്യൻ സമയം 2.30നാണ് മത്സരം.
Also Read: Copa America 2021: കോപ്പയില്‍ ബ്രസീലിയന്‍ കൊടുങ്കാറ്റ്; പെറുവിനെ തകര്‍ത്തു
ഗ്രൂപ്പ് എയിൽ രണ്ട് മത്സരങ്ങളിൽ നിന്ന് രണ്ട് ജയം നേടിയ ബ്രസീൽ ആണ് ഏഴ് പോയിന്റുമായി ഒന്നാമത്. നാല് പോയിന്റുമായി കൊളംബിയയാണ് രണ്ടാം സ്ഥാനത്ത്. ആദ്യ മത്സരത്തിൽ ഇക്വഡോറിനെ എതിരില്ലാത്ത ഒരു ഗോളിന് തോൽപിച്ച കൊളംബിയ രണ്ടാം മത്സരത്തിൽ വെനസ്വേലയുമായി ഗോൾരഹിത സമനില വഴങ്ങുകയായിരുന്നു.
ഗ്രൂപ്പിൽ വെനസ്വേലയാണ് ഒരു പോയിന്റുമായി മൂന്നാമത്. ഓരോ പരാജയങ്ങളുമായി ഇക്വഡോറും പെറുവുമാണ് എ ഗ്രൂപ്പിൽ അവസാന സ്ഥാനങ്ങളിൽ.
Upcoming Copa America 2021 Matches കോപ്പ അമേരിക്കയിലെ മത്സരങ്ങള്‍
ചിലി- ബൊളീവിയയെ(പുലര്‍ച്ചെ 2.30)
അർജന്റീന- ഉറുഗ്വായ് (പുലര്‍ച്ചെ 5.30)
Where to watch Copa America 2021 Matches? കോപ്പ അമേരിക്ക 2021 മത്സരങ്ങള്‍ എങ്ങനെ കാണാം?
കോപ്പ അമേരിക്ക മത്സരങ്ങളുടെ തത്സമയ സംപ്രേക്ഷണം സോണി ടെന്‍ ചാനലിലൂടെ കാണാന്‍ സാധിക്കും.
Where to watch live streaming of Copa America 2021 Matches? കോപ്പ അമേരിക്ക മത്സരങ്ങളുടെ ലൈവ് സ്ട്രീമിങ് എങ്ങനെ കാണാം?
കോപ്പ അമേരിക്ക മത്സരങ്ങളുടെ ലൈവ് സ്ട്രീമിങ് സോണി ലൈവ് ആപ്പിലൂടെ കാണം.
The post Copa America 2021 Argentina vs Uruguay: ആദ്യ ജയം തേടി അർജന്റീന;, എതിരാളികൾ ഉറുഗ്വായ്; മത്സരം എവിടെ, എങ്ങനെ കാണാം? appeared first on Indian Express Malayalam.
