തിരുവനന്തപുരം: വ്യാഴാഴ്ച മുതൽ ബെവ്കോകളും ബാറുകളും തുറന്ന് പ്രവർത്തിക്കുമെന്ന് മുഖ്യമന്ത്രി പിണറായി വിജയൻ. ലോക്ക് ഡൗൺ ഇളവുകൾ പ്രഖ്യാപിക്കുമ്പോഴാണ് മുഖ്യമന്ത്രി ഇക്കാര്യം വ്യക്തമാക്കിയത്.
ബെവ്കോ ഔട്ട് ലെറ്റുകളും / ബാറുകളും രാവിലെ 9 മുതല് വൈകുന്നേരം 7 വരെ പ്രവര്ത്തനം അനുവദിക്കും. ആപ്പ് മുഖാന്തരം സ്ളോട്ടുകള് ബുക്ക് ചെയ്യുന്ന സംവിധാനത്തിലായിരിക്കും പ്രവര്ത്തനം, മുഖ്യമന്ത്രി പറഞ്ഞു.
Also Read:
റസ്റ്റോറന്റുകളില് ഇരുന്ന് ഭക്ഷണം കഴിക്കാന് അനുവാദമുണ്ടാകില്ല. ഹോം ഡെലിവറി, ടേക്ക് എവേ സംവിധാനം തുടരും. വിനോദസഞ്ചാരം, വിനോദപരിപാടികള്, ആളുകള് കൂടുന്ന ഇന്ഡോര് പ്രവര്ത്തനങ്ങള് തുടങ്ങിയവ അനുവദിക്കില്ല (മാളുകള് ഉള്പ്പെടെ).
ടെസ്റ്റ് പോസിറ്റിവിറ്റിനിരക്ക് 8 ശതമാനം വരെയുള്ള മേഖലകളില് എല്ലാ കടകളും രാവിലെ 7 മുതല് വൈകുന്നേരം 7 വരെ പ്രവര്ത്തനം അനുവദിക്കും. (50 ശതമാനം വരെ ജീവനക്കാരെ ഉള്പ്പെടുത്തി.) ജൂണ് 17 മുതല് 50 ശതമാനം വരെ ജീവനക്കാരെ ഉള്പ്പെടുത്തി സ്വകാര്യ സ്ഥാപനങ്ങളുടെ പ്രവര്ത്തനം അനുവദിക്കും.
