ബ്രസീലിയ
കോപയിൽ കോവിഡ് ആശങ്ക തുടരുന്നു. കൊളംബിയൻ ടീമിലും കോവിഡ് സ്ഥിരീകരിച്ചതോടെ ആശങ്ക വർധിച്ചു. രണ്ടംഗങ്ങൾക്കാണ് പോസിറ്റീവായത്. വെനസ്വേല, ബൊളീവിയ ടീമുകളിലും കോവിഡാണ്.
വെനസ്വേല ടീമിലെ എട്ടു കളിക്കാർക്കാണ് രോഗം. ബ്രസീലിനെതിരെ കളിക്കാനിറങ്ങിയ വെനസ്വേലൻ ടീമിൽ ഏറെയും പുതുമുഖങ്ങളായിരുന്നു. പകരക്കാരുടെ ബെഞ്ചിൽ ആളെണ്ണം തികഞ്ഞില്ല. കോവിഡ് കാരണമാണ് അർജന്റീനയിൽനിന്ന് വേദി ബ്രസീലിലേക്ക് മാറ്റിയത്. ബ്രസീലിലും കോവിഡ് വ്യാപനം രൂക്ഷമാണ്. കളിക്കാർ ഉൾപ്പെടെ എതിർപ്പ് ഉന്നയിച്ചിരുന്നു.
