പ്രതി കുറ്റം സമ്മതിച്ചതായി കണക്കാക്കാനുള്ള ഏഴ് നിർദ്ദേശങ്ങൾ കോടതി വിശദീകരിച്ചു. കുറ്റാരോപിതനോട് കുറ്റങ്ങൾ വ്യക്തമാക്കി വകുപ്പുകൾ ചുമത്തണം. കുറ്റാരോപിതനെ അവ വായിച്ചു കേൾപ്പിക്കണം. കുറ്റങ്ങൾ ചെയ്തിട്ടുണ്ടോയെന്ന് കുറ്റാരോപിതനോട് ചോദിക്കണം. കുറ്റത്തിന്റെ ഗൗരവം മനസിലാക്കി പ്രതി കുറ്റം സമ്മതിക്കുന്നതാകണം കുറ്റപത്രം.
കുറ്റസമ്മതം പരമാവധി പ്രതിയുടെ വാക്കുകളിൽതന്നെ രേഖപ്പെടുത്തണം. ഈ നടപടിക്രമങ്ങൾ പാലിച്ചിട്ടുണ്ടോയെന്ന് മജിസ്ട്രേറ്റ് വിവേചന ബുദ്ധിയോടെ പരിശോധിക്കണം. തുടങ്ങിയ ഏഴിന നി‍ര്‍ദ്ദേശങ്ങളാണ് കോടി വിശദീകരിച്ചത്.
പ്രതികൾ കുറ്റം സമ്മതിച്ചെന്ന് കണ്ടെത്താൻ വിചാരണ കോടതി സ്വീകരിച്ച നടപടി ക്രമങ്ങൾ ചോദ്യം ചെയ്ത് ഹൈക്കോടതിയിൽ സമർപ്പിച്ച ഹർജി പരിഗണിച്ചുകൊണ്ടായിരുന്നു കോടതിയുടെ നിരീക്ഷണം. കേസ് 2017 ൽ കോടതിയുടെ പരിഗണനയിൽ എത്തുമ്പോൾ കുറ്റം ചെയ്തിട്ടില്ലെന്നാണ് പ്രതി പറഞ്ഞിരുന്നതെന്ന് കോടതി വിലയിരുത്തി. ജസ്റ്റിസ് വി ജി അരുണാണ് കേസ് പരിഗണിച്ചത്.
