സംഭവത്തെക്കുറിച്ച് അന്വേഷിക്കാൻ കമ്മീഷണൻ അംഗം അഡ്വ. ഷിജി ശിവജി ഉടൻ തന്നെ പ്രദേശം സന്ദര്‍ശിക്കും. യുവതിക്ക് കൗൺസിലിംഗ് നൽകാനും നിര്‍ദ്ദേശിച്ചിട്ടുണ്ട്.
Also Read :
നെന്മാറ അയിലൂരിലാണ് ഇത്തരത്തിൽ സംഭവമുണ്ടായത്. കാമുകിയായ സാജിതയെ റഹമാൻ സ്വന്തം വീട്ടിൽ പത്തുവര്‍ഷത്തോളം കാലമായി ആരുമറിയാതെ ഒളിപ്പിച്ച് താമസിപ്പിച്ചിരിക്കുകയായിരുന്നു.
യുവതിയെ ഒരു മുറിക്കുള്ളിൽ പുറംലോകവുമായി ബന്ധമില്ലാതെയും ആരും അറിയാതെയും കഴിഞ്ഞുവെന്ന വാര്‍ത്ത യുക്തിക്ക് നിരക്കുന്നതല്ലെന്നാണ് വിലയിരുത്തൽ. പുരുഷന് വേണ്ടി അടിമയാക്കപ്പെട്ട സ്ത്രീയുടെ ഗതികേടാണിത് എന്നാണ് കമ്മീഷൻ വിലയിരുത്തുന്നത്. സംഭവത്തിന്റെ ഗൗരവം കുറച്ച് കാണാൻ ചില മാധ്യമങ്ങള്‍ ശ്രമിച്ചതായും കമ്മീഷൻ കുറ്റപ്പെടുത്തി.
Also Read :
യുവതിയെ താമസിപ്പിക്കുന്നതിനായി സ്വന്തം മുറിയോട് ചേര്‍ന്ന് പ്രത്യേക സജ്ജീകരണങ്ങളൊരുക്കി വീട്ടുകാരെ വരെ അടുപ്പിക്കാതെയായിരുന്നു റഹമാൻ സജിതയെ ഒളിപ്പിച്ചത്. പിന്നീട് മൂന്ന് മാസങ്ങള്‍ക്ക് മുൻപ് കാണാതായ റഹമാനെ സഹോദരന്‍ കഴിഞ്ഞ ദിവസം കണ്ടെത്തുകയും പോലീസിൽ വിവരം അറിയിച്ചതോടെയുമാണ് സംഭവം പുറത്തുവന്നത്. ഇതിന് പിന്നാലെ ദിവ്യപ്രണയം എന്ന നിലയിൽ സംഭവം വാര്‍ത്തകള്‍ പുറത്തുവരികയും ചെയ്തു.
