തിരുവനന്തപുരം ഓൺലൈൻ വിദ്യാഭ്യാസം തുടരുന്ന സാഹചര്യത്തിൽ പാവപ്പെട്ട കുടുംബങ്ങളിലെ വിദ്യാര്‍ഥികള്‍ക്ക് സൗജന്യമായി ഇൻ്റര്‍നെറ്റ് ലഭ്യമാക്കുമെന്ന് മുഖ്യമന്ത്രി പിണറായി വിജയൻ. ഓൺലൈൻ പഠനത്തിനായി പാഠപുസ്തകങ്ങള്‍ പോലെ ഡിജിറ്റൽ ഉപകരണങ്ങളും കുട്ടികള്‍ക്ക് ലഭ്യമാകേണ്ടതുണ്ടെന്നും മുഅഖ്യമന്ത്രി പറഞ്ഞു.
Also Read:
ഉപകരണങ്ങള്‍ വാങ്ങാൻ ശേഷിയില്ലാത്തവര്‍ക്കും അത് ലഭ്യമാക്കേണ്ടതുണ്ടെന്നും ഇതിനായി വിവിധ സ്രോതസ്സുകളെ ഒന്നിച്ച് അണിനിരത്തി അവ ലഭ്യമാക്കണമെന്നാണ് കരുതുന്നതെന്നും മുഖ്യമന്ത്രി പറഞ്ഞു. കൂടാതെ ഇൻ്റര്‍നെറ്റ് സേവനം ലഭ്യമല്ലാത്ത സ്ഥലങ്ങളിൽ കണക്ടവിറ്റി ലഭ്യമാക്കുന്നതുമായി ബന്ധപ്പെട്ട് യോഗം വിളിച്ചിട്ടുണ്ടെന്നും മുഖ്യമന്ത്രി പറഞ്ഠു.
പുതുതായി ഇൻ്റര്‍നെറ്റ് സൗകര്യം എത്തിക്കുന്നതിൽ ആദിവാസി മേഖലകള്‍ക്കായിരിക്കും മുൻഗണന നല്‍കുക. എങ്ങനെയാണ് ഇത് നടപ്പാക്കുകയെന്ന കാര്യം പരിശോധിച്ച് വരികയാണ്. കേബിള്‍ ഇടാനായി കെഎസ്ബിയുടെ സഹായം ഉപയോഗപ്പെടുത്താൻ കഴിയുമെങ്കിൽ അവരുടെ സഹായം തേടുമെന്നും മുഖ്യമന്ത്രി വ്യക്തമാക്കി.
Also Read:
കൊവിഡ് 19 സാഹചര്യത്തിൽ കുറച്ചു കാലം കൂടി ഓൺലൈൻ ക്ലാസുകള്‍ തുടരേണ്ടി വരുമെന്ന വിലയിരുത്തലിലാണ് സര്‍ക്കാര്‍ നീക്കം. വിവിധ ക്ലാസുകളിലേയ്ക്കുള്ള ഓൺലൈൻ പഠനം ഇതിനോടകം ആരംഭിച്ചിട്ടുണ്ടെങ്കിലും സംസ്ഥാനത്തെ ആദിവാസി മേഖലകളിലും സാമ്പത്തികമായി പിന്നോക്കം നിൽക്കുന്നവര്‍ക്കിടയിലും ഇക്കാര്യത്തിൽ വലിയ വെല്ലുവിളിയാണ് നേരിടുന്നത്. ഓൺലൈൻ ക്ലാസുകള്‍ ലഭിക്കാതെ കുട്ടികള്‍ ദുരിതത്തിലാകുന്ന സാഹചര്യം മാധ്യമങ്ങള്‍ റിപ്പോര്‍ട്ട് ചെയ്തതിനു പിന്നാലെയാണ് നിയമസഭയിൽ വിഷയം ചര്‍ച്ചയായത്.
