India vs Bangladesh FIFA World Cup 2022 Qualifiers Result, Score, Goals: ഇരട്ടഗോൾ നേടി ഛേത്രി; ബംഗ്ലാദേശിനെതിരെ ഇന്ത്യക്ക് ജയം

India vs Bangladesh FIFA World Cup 2022 Qualifiers Result, Score, Goals: ലോകകപ്പ് യോഗ്യതാ റൗണ്ടിൽ ബംഗ്ലാദേശിനെതിരെ ഇന്ത്യക്ക് ഏകപക്ഷീയമായ രണ്ട് ഗോളിന്റെ ജയം. ഇന്ത്യക്ക് വേണ്ടി നായകൻ സുനിൽ ഛേത്രി ഇരട്ടഗോൾ നേടി. മത്സരത്തിന്റെ 79ാം മിനുറ്റിലും ഇഞ്ചുറി ടൈമിന്റെ രണ്ടാം മിനുറ്റിലുമാണ് ചേത്രി ഗോൾ നേടിയത്.

വിജയം നേടാനാവാതെ 11 മത്സരങ്ങൾ പൂർത്തിയാക്കിയ ശേഷമാണ് ഇന്ത്യ ഇന്ന് ലോകകപ്പ് യോഗ്യതാ മത്സരത്തിൽ ബംഗ്ലാദേശിനെ തോൽപിച്ച് ജയം നേടുന്നത്. ജയത്തോടെ ഇന്ത്യൻ ടീമിന്റെ എഎഫ്‌‌സി ഏഷ്യൻ കപ്പ് പ്രവേശന പ്രതീക്ഷകൾ സജീവമായി നിലനിർത്താൻ സാധിച്ചു. ഗ്രൂപ്പ് ഇയിൽ ഏഴ് മത്സരങ്ങൾ കളിച്ച ഇന്ത്യ ഇതുവരെ ആറ് പോയിന്റാണ് നേടിയത്.

ആറ് മത്സരങ്ങളിൽ നിന്ന് വെറും മൂന്ന് പോയിന്റോടെയാണ് ഇന്ത്യ ബംഗ്ലാദേശിനെതിരെ ഇറങ്ങിയത്. ഫിഫ 2022 ലോകകപ്പിന് യോഗ്യത നേടുന്നതിനുള്ള ഇന്ത്യയുടെ സാധ്യതകൾ ഇതിനകം തന്നെ നഷ്ടപ്പെടുകയും ചെയ്തിരുന്നു.

Read More: മെസിയെ മറികടന്നു; അന്താരാഷ്ട്ര ഗോളിൽ എക്കാലത്തെയും ആദ്യ 10 പേരുടെ പട്ടികയിൽ; നേട്ടങ്ങൾ കൊയ്ത് ഛേത്രി

ഗ്രൂപ്പ് ഇയിൽ ഇന്ത്യ നാലാം സ്ഥാനത്താണ്. എ‌എഫ്‌സി 2023 ഏഷ്യൻ കപ്പിന്റെ മൂന്നാം റൗണ്ടിൽ നേരിട്ട് ഇടം ഇന്ത്യക്ക് ഇതുവരെ ഉറപ്പായിട്ടില്ല. ഗ്രൂപ്പിൽ രണ്ട് സമനിലകളും നാല് തോൽവികളുമായി ബംഗ്ലാദേശ് പട്ടികയിൽ ഏറ്റവും പിറകിലാണ്.

ഏഷ്യൻ കപ്പിലേക്ക് യോഗ്യത നേടാനുള്ള സാധ്യത നിലനിർത്താൻ ബംഗ്ലാദേശിനെതിരെ നല്ല വിജയം ലക്ഷ്യമിട്ടാണ് ഇന്ത്യ ഇന്ന് ഇറങ്ങിയത്. ലോകകപ്പിന് യോഗ്യത നേടുന്നതിനുള്ള സാധ്യത നീങ്ങിയെങ്കിലും 2023 ഏഷ്യൻ കപ്പിലേക്ക് യോഗ്യത നേടാനുള്ള ശ്രമം ഇന്ത്യ തുടരുന്നുണ്ട്.

Read More: UEFA Euro 2020 Schedule, Teams, Fixtures, Live Streaming: യൂറോകപ്പ് 2020 ഫിക്സ്ചർ

തിങ്കളാഴ്ചത്തെ ജയം ഇന്ത്യ ആറുവർഷത്തിനിടെ ആദ്യമായി നേടിയ യോഗ്യതാ റൗണ്ട് മത്സരങ്ങളിലെ ജയമാണ്. 2015 നവംബറിൽ ബാംഗ്ലൂരിൽ നടന്ന യോഗ്യതാ റൗണ്ട് മത്സരത്തിൽ ഗുവാമിനെതിരെ 1-0 ന് ഇന്ത്യ ജയിച്ചതാണ് ഇതിനു മുൻപത്തെ ജയം.

The post India vs Bangladesh FIFA World Cup 2022 Qualifiers Result, Score, Goals: ഇരട്ടഗോൾ നേടി ഛേത്രി; ബംഗ്ലാദേശിനെതിരെ ഇന്ത്യക്ക് ജയം appeared first on Indian Express Malayalam.