യാതൊരു തലക്കെട്ടും കൂടാതെയാണ് സൈക്കിൾ ചവിട്ടുന്ന ചിത്രം ബിജെപി നേതാവ് പങ്കുവെച്ചത്. ഇതു തന്നെയാണ് സോഷ്യൽ മീഡിയയിൽ ചിത്രം ചർച്ചയാകാനും കാരണമായത്. ഇന്ധന വില വർധനവിനെതിരെയുള്ള പ്രതിഷേധമാണോ എന്ന് നിരവധി കമന്‍റുകൾ വന്നെങ്കിലും അബ്ദുള്ളക്കുട്ടി ഇതിൽ വിശദീകരണം ഒന്നും നൽകിയിട്ടില്ലെന്നതും ശ്രദ്ധേയമാണ്.
Also Read :
“പെട്രോൾ വില വർധനക്കെതിരെ ഒറ്റയാൾ പോരാട്ടം നടത്തുന്ന ബി ജെ പി ദേശീയ വൈസ് പ്രസിഡണ്ട് ശ്രീ അബ്ദുള്ള കുട്ടിക്ക് അഭിവാദ്യങ്ങൾ”, “ഇന്ധനവില വർദ്ധനവിൽ പ്രതിഷേധിച്ച് BJP ദേശീയ വൈ.പ്രസിഡണ്ട് സൈക്കിൾ ഓടിച്ച് സമരത്തിൽ”, “ഇന്ധന വില വർധനവിനെതിരെയുള്ള പ്രതീകാത്മക സമരത്തിന് അഭിവാദ്യങ്ങൾ” തുടങ്ങി നിരവധി കമൻറുകളാണ് ചിത്രത്തിന് താഴെ വന്നിരിക്കുന്നത്.
Also Read :
സംസ്ഥാനത്തെ നിരവധി ജില്ലകളിൽ ഇന്നാണ് പ്രീമിയം പെട്രോൾ വില നൂറു കടന്നത്. തിരുവനന്തപുരം, കൊല്ലം, ഇടുക്കി, പാലക്കാട്, വയനാട്, കാസര്‍കോട് ജില്ലകളിലാണ് പ്രീമിയം പെട്രോളിന് വില നൂറ് കടന്നത്.
