മഞ്ചേശ്വരം മണ്ഡലത്തിലെ ഇടത് സ്ഥാനാർഥിയായിരുന്ന വിവി രമേശന്‍റെ ഹർജിയിലാണ് കാസർകോട് ഒന്നാം ക്ലാസ് മജിസ്ട്രേറ്റ് കോടതി കേസെടുക്കാൻ അനുമതി നൽകിയത്. കെ സുരേന്ദ്രന് പുറമെ ബിജെപിയുടെ രണ്ട് പ്രാദേശിക നേതാക്കൾക്കെതിരെയും കേസെടുക്കാനാണ് അനുമതി.
തെരഞ്ഞെടുപ്പ് അട്ടിമറിക്കാൻ കൈക്കൂലി നൽകിയതിന് ഇന്ത്യൻ ശിക്ഷാ നിയമത്തിലെ 171 ബി വകുപ്പ് പ്രകാരം പോലീസിന് കേസ് എടുക്കാനാണ് നിർദ്ദേശം. സ്ഥാനാർഥിയെ തട്ടിക്കൊണ്ടുപോയി തടങ്കലിൽ വെച്ചതിനെ കേസെടുക്കും. ഐപിസി 171 ബി വകുപ്പ് പ്രകാരം കേസെടുക്കാൻ കോടതി അനുമതി ആവശ്യമാണ് അതിനാലായിരുന്നു വിവി രമേശൻ കോടതിയെ സമീപിച്ചത്.
അതേസമയം കൊടകര കുഴൽപണ കേസിൽ അന്വേഷണ സംഘം ചോദ്യം ചെയ്ത സുനിൽ നായ്ക്ക് ഉൾപ്പെടെയുള്ളവർ കെ സുന്ദരയുടെ വീട്ടിൽ എത്തിയതിന്‍റെ തെളിവ് കഴിഞ്ഞദിവസം പുറത്തുവന്നിരുന്നു. മാർച്ച് 21 ന് സുന്ദരയുടെ വീട്ടിൽവെച്ചെടുത്ത ചിത്രങ്ങൾ സുനിൽ നായ്ക്ക് ഫേസ്ബുക്കിൽ പങ്കുവെച്ചിട്ടുണ്ട്. മാർച്ച് 22 നാണ് കെ സുന്ദര പത്രിക പിൻവലിച്ചിരുന്നത്.
Also Read :
സുനിൽ നായ്ക്ക്, അശോക് ഷെട്ടി എന്നിവർ വീട്ടിൽ എത്തിയെന്നാണ് കെ സുന്ദരയുടെ മൊഴി. പത്രിക പിൻവലിക്കാൻ തനിക്ക് പണം തന്നത് ഇവരാണെന്നും മൊഴിയിലുണ്ട്.
