മട്ടാഞ്ചേരി > സിപിഐ എം പനയപ്പിള്ളി ലോക്കല് കമ്മിറ്റി സെക്രട്ടറിയും കൊച്ചി ഏരിയ കമ്മിറ്റി അംഗവുമായ കെ ജെ സാജു (53) (ജോസഫ് കെ ജെ) നിര്യാതനായി. കോവിഡ് ബാധിച്ച് ചികിത്സയിലിരിക്കെ ശനിയാഴ്ച രാത്രിയായിരുന്നു അന്ത്യം. സംസ്കാരം നടത്തി.
നിലവില് സിഐടിയു കൊച്ചി മേഖല ജോ. സെക്രട്ടറി, തൊഴിലുറപ്പ് തൊഴിലാളി യൂണിയന് കൊച്ചി ഏരിയ സെക്രട്ടറി, ജില്ലാ കമ്മിറ്റി അംഗം, ഓട്ടോ ടാക്സി ഫെഡറേഷന് സംസ്ഥാന കമ്മിറ്റി അംഗം, എറണാകുളം ജില്ല ഓട്ടോ ഡ്രൈവേഴ്സ് അസോസിയേഷന് കൊച്ചി ഏരിയ സെക്രട്ടറി, ജില്ല എക്സിക്യൂട്ടീവ് അംഗം, കെട്ടിട നിര്മ്മാണ തൊഴിലാളി യൂണിയന് കൊച്ചി ഏരിയ ജോ സെക്രട്ടറി, കരുവേലിപ്പടി ആശുപത്രി വികസന സമിതി അംഗം, ദേശാഭിമാനി ഏജന്റ് എന്നിവയായിരുന്നു. ഡിവൈഎഫ്ഐ പനയപ്പിളളി മുന് മേഖല സെക്രട്ടറിയായിരുന്നു.
സിപിഐ എം ഏരിയ സെക്രട്ടറിമാരായ കെ എം റിയാദ്, പി എ പീറ്റര്, കെ ജെ മാക്സി എംഎല്എ എന്നിവര് അന്ത്യാപചാരം അര്പ്പിച്ചു.
ഭാര്യ: ഷീല സാജു, മകന്: ഷാന് ജോണ്.
