Also Read:
ഏപ്രിൽ രണ്ടിന്ന് ധർമ്മരാജനുംം സംഘവും തൃശൂരിൽ എത്തുമ്പോൾ 9.80 കോടി രൂപ പ്രതികളുടെ കൈവശം ഉണ്ടായിരുന്നുവെന്നാണ് അന്വേഷണ സംഘം കണ്ടെത്തിയിരിക്കുന്നത്. ഇതിൽ 6.30 കോടി രൂപ തൃശൂർ ജില്ലയ്ക്കായി നൽകി. ഇവ എ ക്ലാസ് മണ്ഡലങ്ങളിലേക്കാണ് നൽകിയത്. രണ്ട് കോടി രൂപ തൃശൂർ മണ്ഡലത്തിന് മാത്രമായി നൽകിയെന്നും അന്വേഷണ സംഘം കണ്ടെത്തിയിട്ടുണ്ട്.
ധർമ്മരാജനും കെ സുരേന്ദ്രന്റെ മകനും കോന്നിയിൽ വെച്ച് പലപ്പോഴായി കൂടിക്കാഴ്ച നടത്തിയതായി അന്വേഷണ സംഘം കണ്ടെത്തിയിരുന്നു. ധർമ്മരാജന്റെ ഫോൺ പരിശോധിച്ചപ്പോഴാണ് ഇക്കാര്യം വ്യക്തമായത്. പലതവണ സുരേന്ദ്രന്റെ മകനുമായി ധർമ്മരാജൻ ഫോണിൽ ബന്ധപ്പെട്ടിട്ടുണ്ട്.
കവർച്ച ചെയ്യപ്പെട്ട പണം ബിജെപിക്കുവേണ്ടി കൊണ്ടുവന്നതാണെന്ന് ധർമ്മരാജൻ മൊഴി നൽകിയിരുന്നു. ധർമ്മരാജനും സുരേന്ദ്രനും തമ്മിൽ പരിചയമുണ്ടെന്ന് അന്വേഷണ സംഘത്തിന് മൊഴി ലഭിച്ചിട്ടുണ്ട്. കെ സുരേന്ദ്രന്റെ സെക്രട്ടറിയും ഡ്രൈവറുമാണ് മൊഴി നൽകിയിരിക്കുന്നത്.
