കൊച്ചി: തിരഞ്ഞെടുപ്പിലെന്നപോലെ സോഷ്യൽ മീഡിയയിലും തനിക്കൊരു അപരൻ പ്രത്യക്ഷപ്പെട്ടിരിക്കുന്നുവെന്ന് മുൻ എം.പി. സെബാസ്റ്റ്യൻ പോൾ. ഈ വ്യാജ പോസ്റ്റ് ഷെയർ ചെയ്യുകയോ ഫോർവേഡ് ചെയ്യുകയോ ചെയ്യരുതെന്ന് അഭ്യർഥിച്ച് അദ്ദേഹം ഫെയ്സ്ബുക്കിൽ പോസ്റ്റിട്ടു.
നരേന്ദ്ര മോദിയെ പുകഴ്ത്തുന്ന ഒരു കുറിപ്പ് കഴിഞ്ഞ വർഷം മലയാളത്തിലും ഇപ്പോൾ ഇംഗ്ലീഷിലും പ്രചരിക്കുന്നുണ്ടെന്ന് അദ്ദേഹം പറയുന്നു. വ്യാജനെ സ്വാഭാവികമായി മരിക്കാൻ വിടുക. ആരും എന്നെ ബി.ജെ.പി. ആക്കേണ്ട. മോദിയെ സ്തുതിക്കണമെന്ന് തോന്നിയാൽ ഞാനത് സ്വന്തംനിലക്കു ചെയ്തുകൊള്ളാമെന്നും പറഞ്ഞുകൊണ്ടാണ് അദ്ദേഹം എഫ്.ബി. പോസ്റ്റ് അവസാനിപ്പിക്കുന്നത്
content highlights:Sebastian paul against fake FB account in his name
