ന്യുഡല്ഹി> മലയാളം സംസാരിക്കുന്നതിന് നഴ്സുമാര്ക്ക് വിലക്കേര്പ്പെടുത്തി ഡല്ഹിയിലെ ആശുപത്രി. ഡല്ഹി ജി ബി പന്ത് ആശുപത്രിയിലാണ് വിചിത്ര ഉത്തരവിറക്കിയിരിക്കുന്നത്. ജോലി സമയത്ത് നഴ്സിംഗ് ജീവനക്കാര് തമ്മില് മലയാളം സംസാരിക്കുന്നത് രോഗികള്ക്കും സഹപ്രവര്ത്തകര്ക്കും ബുദ്ധിമുട്ടുണ്ടാകുന്നതായി പരാതി ലഭിച്ചിട്ടുണ്ടെന്നാണ് വിശദീകരണം.
മലയാളത്തിന് വിലക്കേര്പ്പെടുത്തി സര്ക്കുലറും ഇറക്കി.തൊഴില് സമയത്ത് ജീവനക്കാര് ഹിന്ദി, ഇംഗ്ലീഷ് ഭാഷ മാത്രമേ സംസാരിക്കാവൂ എന്നും മലയാളത്തില് സംസാരിച്ചാല് ശിക്ഷനടപടി നേരിടേണ്ടിവരുമെന്നും സര്ക്കുലറില് പറയുന്നു.
അതേസമയം, ആശുപത്രിയില് പഞ്ചാബ്, ഹരിയാന, രാജസ്ഥാന്, മിസോറം തുടങ്ങി വിവിധ ഭാഗങ്ങളില് നിന്നുള്ളവരുണ്ട്. ഇവിടെ നിന്നുള്ളവര് ആശയവിനിമയം നടത്തുന്നത് അവരുടെ പ്രാദേശിക ഭാഷയിലാണെന്ന് ആശുപത്രിയിലെ മലയാളി നഴ്സുമാര് പറഞ്ഞു.
