ധർമ്മരാജനുമായി പരിചയമുണ്ടെന്നും ഡ്രൈവറും സെക്രട്ടറിയും മൊഴി നൽകിയതായും ഏഷ്യാനെറ്റ് ന്യൂസ് റിപ്പോർട്ട് ചെയ്‌തു. ധർമ്മരാജനെ അറിയാം. പ്രചാരണ സാമഗ്രഹികൾ അദ്ദേഹത്തിനെ ഏൽപ്പിച്ചിരുന്നു. പലവട്ടം ഫോണിൽ ബന്ധപ്പെട്ടിരുന്നുവെന്നും ഇരുവരും മൊഴി നൽകി.
നിയമസഭാ തെരഞ്ഞെടുപ്പ് പ്രചാരണഘട്ടത്തിൽ ധർമ്മരാജനും കെ സുരേന്ദ്രനും നേരിൽ കണ്ടിരുന്നോ എന്ന കാര്യത്തിൽ വ്യക്തമല്ല. ഇരുവരും നേരിൽ കണ്ടിരുന്നോ എന്ന ചോദ്യത്തിന് അറിയില്ലെന്ന് ഡ്രൈവറും സെക്രട്ടറിയും മൊഴി നൽകിയെന്നാണ് റിപ്പോർട്ട്. തൃശൂരിൽ നടന്ന ചോദ്യം ചെയ്യലിന് ശേഷം ഇരുവരെയും ഇന്നത്തേക്ക് വിട്ടയച്ചു.
അതേസമയം, കുഴൽപ്പണക്കേസിൽ ആരോപണം നേരിടുന്ന കെ സുരേന്ദ്രനെതിരെ വെളിപ്പെടുത്തലുമായി മഞ്ചേശ്വരത്തെ അപരൻ കെ സുന്ദര രംഗത്തുവന്നു. മത്സരത്തിൽ നിന്നു പിന്മാറാനും പത്രിക പിൻവലിക്കാനുമായി തനിക്ക് രണ്ട് ലക്ഷം രൂപയും സ്മാര്‍ട് ഫോണും നല്‍കിയെന്ന് കെ സുന്ദര വാര്‍ത്താ ചാനലിനോടു പറഞ്ഞു. ബിജെപി നേതാക്കള്‍ വീട്ടിലെത്തി പണം അമ്മയുടെ കൈയ്യിൽ കൊടുത്തതായും സുന്ദര കൂട്ടിച്ചേർത്തു.
2016നെ നിയമസഭാ തെരഞ്ഞെടുപ്പിൽ ബിഎസ്പി സ്ഥാനാര്‍ഥിയായി മത്സരിച്ച കെ സുന്ദര 462 വോട്ടുകള്‍ നേടിയിരുന്നു. എന്നാൽ ആ തെരഞ്ഞെടുപ്പിൽ വെറും 89 വോട്ടുകള്‍ക്ക് പരാജയപ്പെടുകായിരുന്നു. എന്നാൽ ഈ തെരഞ്ഞെടുപ്പിലും കെ സുരേന്ദ്രൻ്റെ അപരസ്ഥാനാര്‍ഥിയായി കെ സുന്ദര മത്സരിക്കാനായി പത്രിക നല്‍കുകയായിരുന്നു. ഇതിനു പിന്നാലെയാണ് ബിജെപി നേതാക്കള്‍ ഇടപെട്ട് പണം നല്‍കിയതെന്നാണ് ആരോപണം.
