കെ സുരേന്ദ്രൻ ഉള്പ്പെടെയുള്ള ബിജെപി നേതാക്കള് താമസിച്ച ഹോട്ടലിലെത്തിയ പോലീസ് സംഘം ഹോട്ടൽ രജിസ്റ്ററിലെ രേഖകളും പരിശോധിച്ചു. ഇതിനിടെ കെ സുരേന്ദ്രൻ തെരഞ്ഞെടുപ്പിനിടെ ഹെലികോപ്റ്ററിൽ എത്തിച്ച് കാറിലേയ്ക്ക് മാറ്റിയ പെട്ടികളിൽ എന്താണെന്ന സംശയവുമായി പത്തനംതിട്ടയിലെ കോൺഗ്രസ് നേതാക്കള് രംഗത്തെത്തിയിട്ടുണ്ട്. മൂന്നരക്കോടിയോളം രൂപ വരുന്ന കുഴൽപ്പണവുമായി ബന്ധപ്പെട്ട് സംസ്ഥാന അധ്യക്ഷൻ പാര്ട്ടിയിക്കുള്ളിൽ തന്നെ ഒറ്റപ്പെടുന്ന സാഹചര്യത്തിലാണ് കൂടുതൽ ആരോപണങ്ങളുമായി കോൺഗ്രസ് രംഗത്തെത്തിയിട്ടുണ്ട്.
Also Read:
കൊടകര കേസിൽ എൻഫോഴ്സ്മെൻ്റ് ഡയറക്ടറേറ്റും അന്വേഷണം തുടങ്ങിയിട്ടുണ്ട്. പോലീസ് തയ്യാറാക്കിയ എഫ്ഐആര് പരിശോധിച്ച ഇഡി ഉദ്യോഗസ്ഥര് ഇതുവരെയുള്ള കണ്ടെത്തലുകള് വിലയിരുത്തി. കേസ് ഇഡി ഏറ്റെടുക്കുന്നതു സംബന്ധിച്ച് പത്ത് ദിവസത്തിനകം തീരുമാനമെടുക്കണമെന്നാണ് ഹൈക്കോടതി നല്കിയിരിക്കുന്ന നിര്ദേശം. മുതിര്ന്ന ബിജെപി നേതാക്കള് സംശയനിഴലിലായ കേസിൽ ഇഡിയുടെ നിശബ്ദത വലിയ വിമര്ശനത്തിനു വഴി വെച്ചതിനു പിന്നാലെയാണ് നീക്കം. നിലവിൽ പോലീസ് രേഖപ്പെടുത്തിയിരിക്കുന്ന എഫ്ഐആറിൽ 25 ലക്ഷം രൂപ കാണാതായെന്നാണ് രേഖപ്പെടുത്തിയിരിക്കുന്നത്. ഈ സാഹചര്യത്തിൽ പിഎൽഎ നിയമപ്രകാരം കേസ് നിലനിൽക്കുമോ എന്ന് ഇഡി പരിശോധിക്കും.
Also Read:
കര്ണാടകയിൽ നിന്ന് കുഴൽപ്പണം എത്തിച്ച സംഘത്തിന് തൃശൂരിൽ ഹോട്ടലിൽ മുറിയെടുത്തു നല്കിയത് ബിജെപി നേതാക്കള് ഇടപെട്ടാണെന്ന് മുൻപ് റിപ്പോര്ട്ടുകള് വന്നിരുന്നു. കൂടാതെ കുഴൽപ്പണക്കേസ് പ്രതികളെ ബിജെപി നേതാക്കള് കണ്ടിരുന്നുവെന്നും പ്രതികള് ബിജെപി ഓഫീസിൽ എത്തിയിരുന്നുവെന്നും റിപ്പോര്ട്ടുകള് വന്നിരുന്നു. ഇതിനു പിന്നാലെയാണ് പാര്ട്ടിയുടെ തെരഞ്ഞെടുപ്പ് ഫണ്ട് കൈകാര്യം ചെയ്തിരുന്ന കെ സുരേന്ദ്രനിലേയ്ക്ക് അന്വേഷണം എത്തുന്നത്.
