തിരുവനന്തപുരം: കേരള സാംക്രമിക രോഗ ബിൽ ചർച്ചയ്ക്കിടെ വാക്പോര്. ആരോഗ്യ മന്ത്രി വീണാ ജോർജ്ജും പ്രതിപക്ഷ എംഎൽഎ കെ ബാബുവും തമ്മിലാണ് സഭയിൽ ഏറ്റുമുട്ടിയത്. എറണാകുളം ജില്ലയിൽ ആരോഗ്യ സംവിധാനങ്ങളുടെ അപര്യാപ്തത ഉണ്ടെന്നായിരുന്നു ബാബുവിന്റെ ആരോപണം.
എറണാകുളത്ത് ഐസിയു വെന്റിലേറ്ററുകൾ കിട്ടാനില്ലെന്നു പറഞ്ഞ് നിരവധി പേർ തന്നെ ദിവസവും വിളിക്കുന്നുണ്ട്. ജില്ലയിൽ നിരവധി ആശുപത്രികൾ ഉണ്ടെങ്കിലും അഡ്മിഷൻ കിട്ടാത്ത അവസ്ഥയാണുള്ളതെന്നും ആരോപിച്ചു.
ഏത് രോഗിക്കാണ് അഡ്മിഷൻ വേണ്ടതെന്ന് തൃപ്പൂണിത്തുറ അംഗം സഭയിൽ വ്യക്തമാക്കണമെന്ന് ആരോഗ്യ മന്ത്രി ആവശ്യപ്പെട്ടു. എന്നാൽ മറുപടി പറയാൻ കെ ബാബു തയ്യാറായില്ല.
വിചാരിക്കുന്നതിനേക്കാൾ ഗുരുതരമാണ് കാര്യങ്ങൾ എന്നാണ് ബാബു പ്രതികരിച്ചത്. രോഗിയുടെ പേര് പറയാൻ തുടർച്ചയായി ആവശ്യപ്പെട്ടിട്ടും ബാബു പ്രതികരിക്കാൻ തയ്യാറായില്ല.
