തിരുവനന്തപുരത്തെ ഹോട്ടലിൽ വെച്ച് ഒരു പണ കൈമാറ്റവും നടന്നിട്ടില്ല. കുടുതൽ തെളിവുകൾ ഉണ്ടെങ്കിൽ പ്രസീതയും അശോകനും പുറത്തു വിടട്ടെ. അവ മാധ്യമങ്ങൾക്കു മുന്നിൽ എത്തിക്കാൻ പ്രസീത തയ്യാറാകണമെന്നും ജാനു പറഞ്ഞു. സിസിടിവി ദൃശ്യങ്ങൾ പരിശോധിക്കുന്നതിൽ തനിക്ക് എതിർപ്പില്ലെന്നും അവർ വ്യക്തമാക്കി.
കെ സുരേന്ദ്രനിൽ നിന്നും 40 ലക്ഷം രൂപ വാങ്ങിയെന്ന ജെആർപി മുൻ സംസ്ഥാന സെക്രട്ടറി ബാബുവിന്റെ ആരോപണം അടിസ്ഥാന രഹിതമാണെന്നും തെളിവുകൾ പുറത്തു വിടണമെന്നും ജാനു ആവശ്യപ്പെട്ടു.
അതേസമയം, പത്ത് ലക്ഷം രൂപ വാങ്ങിയെന്ന് ആരോപണം ഉന്നയിച്ച പ്രസീത അഴീക്കോട് അടക്കമുള്ളവർക്ക് സികെ ജാനു വക്കീൽ നോട്ടീസ് അയച്ചു. ഏഴ് ദിവസത്തിനുള്ളിൽ ആരോപണം പിൻവലിച്ച് മാപ്പ് പറയണമെന്നും നഷ്ടപരിഹാരമായി ഒരു കോടി രൂപ നൽകണമെന്നുമാണ് വക്കീൽ നോട്ടീസിൽ ആവശ്യപ്പെട്ടിരിക്കുന്നത്.
ജെആർപിയുടെ പ്രത്യേക സമ്മേളനം ഈ മാസം 11-ന് സികെ ജാനു വിളിച്ചിട്ടുണ്ട്. ആരോപണങ്ങൾ യോഗത്തിൽ ചർച്ച ചെയ്യണമെന്നാണ് ജാനു ആവശ്യപ്പെട്ടിരിക്കുന്നത്, ഏഷ്യാനെറ്റ് റിപ്പോർട്ട് ചെയ്തു.
