ചോദ്യം ചെയ്യലിന് പോലീസ് ക്ലബ്ബിൽ ഹാജരാകണമെന്ന് വ്യക്തമാക്കി പദ്മകുമാറിന് നോട്ടീസ് നൽകിയിരുന്നു. ബിജെപിയുടെ എറണാകുളം, ഇടുക്കി, കോട്ടയം, ആലപ്പുഴ ജില്ലകളുടെ ചുമതലയുള്ള സെക്രട്ടറിയാണ് പദ്മകുമാർ. കുഴൽപ്പണം കൊണ്ടുപോയത് ആലപ്പുഴയിലെ ബിജെപി നേതാക്കൾക്ക് നൽകാനാണെന്നാണ് പോലീസ് കണ്ടെത്തിയിരിക്കുന്നത്.
ആർഎസ്എസ് പ്രവർത്തകനും കുഴൽപണം കടത്തൽ കേസിലെ പ്രതിയുമായ ധർമ്മരാജന്റെ മൊഴിയുടെ അടിസ്ഥാനത്തിലാണ് കൂടുതൽ നേതാക്കളെ ചോദ്യം ചെയ്യുന്നത്. തൃശൂർ ജില്ലാ പ്രസിഡന്റ് കെകെ അനീഷ് അടക്കമുള്ളവരെ ചോദ്യം ചെയ്തിരുന്നു.
ധർമ്മരാജന് മുറിയെടുത്ത് നൽകിയത് അനീഷണാണെന്ന് കണ്ടെത്തിയിരുന്നു. ഓഫീസ് സെക്രട്ടറി സതീഷിൽ നിന്നാണ് പോലീസിന് നിർണ്ണായക വിവരം ലഭിച്ചത്. ഇതിന്റെ അടിസ്ഥാനത്തിലാണ് അനീഷിനെ ചോദ്യം ചെയ്തത്.
ധർമ്മരാജന് മുറിയെടുത്ത് നൽകിയത് താനാണെന്ന് അനീഷ് സമ്മതിച്ചിട്ടുണ്ട്. എന്നാൽ ധർമ്മരാജന്റെ പക്കൽ പണം ഉള്ളതായി അറിയില്ലായിരുന്നുവെന്നാണ് അനീഷിന്റെ വാദം.
