തൊടുപുഴ: ഇടുക്കിയിൽ രണ്ടിടത്ത് നേരിയ ഭൂചലനം. വൈകിട്ട് 6.45 ഓടെയാണ് , ആലടി എന്നിവിടങ്ങളിലാണ് ഭൂചലനം രേഖപ്പെടുത്തിയത്. കെഎസ്ഇബിയുടെ സിസ്മോഗ്രാമിൽ 1.2 രേഖപ്പെടുത്തി. പ്രഭവ കേന്ദ്രം കോട്ടയമാണ്.
കോട്ടയം ജില്ലയിലെ പാമ്പാടിയിലും പരിസര പ്രദേശങ്ങളിലും ശനിയാഴ്ച 6.30 ഭൂചലനം രേഖപ്പെടുത്തിയതായി നാട്ടുകാർ പറഞ്ഞു. 2-3 സെക്കന്റ് വിറയൽ ഉണ്ടായതായാണ് നാട്ടുകാരെ ഉദ്ധരിച്ച് മനോരമ റിപ്പോർട്ട് ചെയ്തിരിക്കുന്നത്.
പാമ്പാടി, പങ്ങട, കോത്തല, ളാക്കൂർ, പൂതക്കുഴി, തുടങ്ങിയ പ്രദേശങ്ങളിൽ ചലനം അനുഭവപ്പെട്ടു. വീടുകളിലെ ഉപകരണങ്ങൾ വിറച്ചുവെന്ന് നാട്ടുകാർ പറഞ്ഞു. ഭൂചലനം സ്ഥിരീകരിക്കാൻ കഴിഞ്ഞിട്ടില്ലെന്നാണ് കലക്ടർ എം അഞ്ജന പറഞ്ഞു.
