ജൂൺ ആദ്യവാരം മുതൽ കൂടുതൽ വാക്സിൻ ലഭിക്കുമെന്നാണ് പ്രതീക്ഷിക്കുന്നത്. ജൂൺ 15 നകം പരമാവധി പേർക്ക് വാക്സിൻ നൽകുമെന്നും മുഖ്യമന്ത്രി പറഞ്ഞു. വൃദ്ധസദനത്തിലെ മുഴുവൻ പേർക്കും വാക്സിൻ നൽകും. ആദിവാസി കോളനികളിലെ 45 വയസിന് മുകളിലുള്ള മുഴുവൻ പേർക്കും വാക്സിൻ വിതരണം പൂർത്തിയാക്കും. കിടപ്പു രോഗികൾക്ക് വാക്സിൻ ലഭ്യമാക്കാനുള്ള പദ്ധതി തയ്യാറാക്കുമെന്നും അദ്ദേഹം വ്യക്തമാക്കി.
18 വയസിനും 45 വയസിനും ഇടയിലുള്ളവർക്ക് വാക്സിനേഷൻ ആരംഭിച്ചപ്പോൾ മെയ് 19 ന് ഇറങ്ങിയ ഉത്തരവ് പ്രകാരം 32 വിഭാഗം ആളുകൾക്ക് മുൻഗണന നൽകിയിരുന്നു. മെയ് 24 ന് ഇറങ്ങിയ ഉത്തരവ് പ്രകാരം 11 പുതിയ വിഭാഗങ്ങളെക്കൂടി ചേർത്തു. അതിൽ വിദേശ രാജ്യങ്ങളിലേക്ക് തൊഴിലിനും പഠനത്തിനും പോകുന്നവരെക്കൂടി ഉൾപ്പെടുത്തി. പാസ്പോർട്ട് നമ്പർ ഉൾപ്പെടെ അവർക്ക് ആവശ്യമായ വിധത്തിലുള്ള സർട്ടിഫിക്കറ്റുകൾ നൽകണമെന്ന് ജില്ലാ മെഡിക്കൽ ഓഫീസർമാർക്ക് നിർദ്ദേശം നൽകിയിട്ടുണ്ട്, മുഖ്യമന്ത്രി വ്യക്തമാക്കി.
