മലപ്പുറം: മലപ്പുറത്ത് നിലനിന്നിരുന്ന ട്രിപ്പിൾ ലോക്ക് ഡൗൺ പിൻവലിച്ചു. തിങ്കളാഴ്ച മുതൽ മറ്റ് ജില്ലകളിലേതുപോലെ ലോക്ക് ഡൗൺ മാത്രമായിരിക്കും ജില്ലയിൽ ഉണ്ടായിരിക്കുക. ജില്ലയിലെ ടെസ്റ്റ് പോസിറ്റിവിറ്റി നിരക്ക് (ടിപിആർ) ഉയർന്ന പശ്ചാത്തലത്തിലാണ് ട്രിപ്പിൾ ഡൗൺ ഏർപ്പെടുത്തിയത്.
ജില്ലയിലെ ടിപിആർ കുറഞ്ഞ പശ്ചാത്തലത്തിലാണ് ട്രിപ്പിൾ ഡൗൺ പിൻവലിച്ചിരിക്കുന്നത്. അതേസമയം സംസ്ഥാനത്തെ ലോക്ക് ഡൗൺ ജൂൺ ഒമ്പത് വരെ നീട്ടി.
മലപ്പുറം, തൃശൂർ,എറണാകുളം, തിരുവനന്തപുരം ജില്ലകളിലാണ് ട്രിപ്പിൽ ഡൗൺ ഏർപ്പെടുത്തിയിരുന്നത്. ഒഴികെയുള്ള ജില്ലകളിലെ ട്രിപ്പിൾ ഡൗൺ നേരത്തെ പിൻവലിച്ചിരുന്നു. ഞായറാഴ്ചകഴിൽ മലപ്പുറത്ത് ഏർപ്പെടുത്തിയിരുന്ന അധിക നിയന്ത്രണം അതുപോലെ തുടരും. അവശ്യ സാധനങ്ങൾ വിൽക്കുന്ന കടകൾ തുറക്കില്ല.
അതേസമയം സംസ്ഥാനത്ത് കൂടുതൽ ഇളവുകളോടെ ലോക്ക് ഡൗൺ നീട്ടി. ഇളവുകള്‍ സംബന്ധിച്ച തീരുമാനം കൊവിഡ് അവലോകന യോഗത്തിന് ശേഷം മുഖ്യമന്ത്രി പ്രഖ്യാപിക്കും. ടെസ്റ്റ് പോസിറ്റിവിറ്റി നിരക്ക് പത്തിൽ താഴെ എത്തിയാൽ മാത്രമേ നിയന്ത്രണങ്ങള്‍ ഇളവു ചെയ്യാവൂ എന്നാണ് ആരോഗ്യപ്രവര്‍ത്തകരുടെ നിലപാട്. ഇന്നലത്തെ കണക്ക് പ്രകാരം 16.4 ആണ് ടിപിആർ.
