Also Read :
തുടര്‍ചികിത്സയ്ക്കായി തിരുവല്ലയിലെ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്. കൊവിഡ് രോഗമുക്തനായ വ്യക്തിക്കാണ് രോഗം കണ്ടെത്തിയത്.
ഈ മാസം രണ്ടിന് കൊവിഡ് ബാധിച്ചതിനെ തുടര്‍ന്ന് ചെങ്ങന്നൂരിലെ സ്വകാര്യ ആശുപത്രിയിൽ ചികിത്സ തേടിയിരുന്നു. മേയ് 12ന് അദ്ദേഹം നെഗറ്റീവാകുകയും ചെയ്തു. പ്രമേഹ രോഗിയായ ഇദ്ദേഹത്തിനു പിന്നീട് സൈനസൈറ്റിസ് സമാനമായ അസ്വസ്ഥത അനുഭവപ്പെട്ടതിനെത്തൂടർന്നു 18ന് ചെങ്ങന്നൂരില്ലെ ആശുപത്രിയിൽ പ്രവേശിപ്പിച്ചിരുന്നു.
മൂക്കിൽ നിന്നും രക്തം വന്നതോടെയാണ് വീണ്ടും ചികിത്സ തേടിയത്. ഇതിനു ശേഷം 24ന് ഇതുമായി ബന്ധപ്പെട്ട ശസ്ത്രക്രിയയ്ക്ക് വിധേയനായി. തുടര്‍ പരിശോധനകളിൽ ബ്ലാക്ക് ഫംഗസ് രോഗത്തിന് സമാന ലക്ഷണങ്ങള്‍ കണ്ടെത്തിയതോടെ ബയോപ്സി നിര്‍ദേശിക്കുകയായിരുന്നു. ബയോപ്സി പരിശോധന ഫലത്തിലാണ് ബ്ലാക്ക് ഫംഗസ് ബാധ സ്ഥിരീകരിച്ചത്.
Also Read :
ഇതിന് പുറമെ, ബ്ലാക് ഫംഗസ് ബാധ സംശയിക്കുന്ന രണ്ട് പേര്‍ മെഡിക്കൽ കോളജിൽ നിരീക്ഷണത്തിൽ തുടരുകയാണ്. 60 കാരനായ ഒരാളും 45കാരനായ മറ്റൊരാള്‍ക്കുമാണ് ചികിത്സയിലുള്ളത്. രണ്ട് പേര്‍ക്കും കൊവിഡ് പോസിറ്റീവ് ആയിരുന്നു എന്നല്ലാതെ മറ്റ് ഗുരുതര രോഗങ്ങളോ ആരോഗ്യ പ്രശ്നങ്ങളോ ഇതുവരെയില്ല.
