കേരള കോൺഗ്രസ് എം അധ്യക്ഷൻ ജോസ് കെ മാണി രാജിവെച്ചതു വഴി 2021 ജനുവരി 11നായിരുന്നു രാജ്യസഭയിൽ ഒരു സീറ്റ് ഒഴിവു വന്നത്. ഈ സീറ്റിനു ഒരു വര്ഷത്തിലധികം കാലാവധിയുണ്ടെങ്കിൽ സഭയിൽ ഒഴിവു വന്നാൽ ഇതിലേയ്ക്ക് ആറു മാസത്തിനുള്ളിൽ തെരഞ്ഞെടുപ്പ് നടത്തണമെന്നാണ് ചട്ടം. എന്നാൽ കൊവിഡ് 19 സാഹചര്യത്തിൽ തത്കാലം തെരഞ്ഞെടുപ്പ് വേണ്ടെന്നും കൊവിഡ് സാഹചര്യം മെച്ചപ്പെട്ട ശേഷം തെരഞ്ഞെടുപ്പ് നടത്താമെന്നുമാണ് തെരഞ്ഞെടുപ്പ് കമ്മീഷൻ്റെ തീരുമാനം.
Also Read:
ബന്ധപ്പെട്ട സംസ്ഥാനങ്ങളുടെയും കേന്ദ്ര, സംസ്ഥാന ദുരന്ത നിവാരണ സേനകളുടെയും അഭിപ്രായം തേടിയ ശേഷം തെരഞ്ഞെടുപ്പ് തീയതി പിന്നീട് അറിയിക്കുമെന്നും വാര്ത്താക്കുറിപ്പിൽ വ്യക്തമാക്കുന്നു.
Also Read:
കേരള കോൺഗ്രസ് എം യുഡിഎഫിൻ്റെ ഭാഗമായിരുന്ന സമയത്ത് നടന്ന തെരഞ്ഞെടുപ്പിലായിരുന്നു ജോസ് കെ മാണി രാജ്യസഭയിലേയ്ക്ക് തെരഞ്ഞെടുക്കപ്പെട്ടത്. നിയമസഭാ തെരഞ്ഞെടുപ്പിൽ പാലാ സീറ്റിൽ നിന്നു മത്സരിക്കുന്നതിനു മുന്നോടിയായിട്ടായിരുന്നു ജോസ് കെ മാണി രാജ്യസഭാംഗത്വം രാജി വെക്കുകയായിരുന്നു. എന്നാൽ പാലാ മണ്ഡലത്തിൽ നിന്ന് സിറ്റിങ് എംഎൽഎ മാണി സി കാപ്പനോട് അദ്ദേഹം പരാജയപ്പെട്ടിരുന്നു.
