തിരുവനന്തപുരം: ബാങ്ക് വായ്പയടവ് മുടങ്ങിയാൽ കിടപ്പാടം ജപ്തിചെയ്യുന്നത് ഒഴിവാക്കാൻ നടപടി സ്വീകരിക്കുമെന്ന് സഹകരണ, രജിസ്ട്രേഷൻ വകുപ്പ് മന്ത്രി . കിടപ്പാടം ചെയ്യുന്നത് ഒഴിവാക്കാൻ നിയമ ഭേദഗതി ചെയ്യുന്നത് അടക്കമുള്ള സാധ്യതകൾ പരിശോധിക്കുമെന്നും അദ്ദേഹം പറഞ്ഞു.
സഹകരണ ബാങ്കുകളുടെ പ്രവർത്തി ദിവസം കൂട്ടുന്നത് പരിഗണിക്കും. ന്യൂജെൻ ബാങ്കുകളുടേതിന് സമാനമായ രീതിയിൽ ഓൺലൈൻ ഇടപാട് സൗകര്യം നടപ്പിക്കാൻ ശ്രമിക്കുമെന്നും അദ്ദേഹം വ്യക്തമാക്കി. മലപ്പുറം ജില്ല കേരളാ ബാങ്കിൽ ലയിക്കണമെന്നും വിഎൻ വാസവൻ ആവശ്യപ്പെട്ടു.
ആധാരം എഴുത്തുകാരുടെ തൊഴിൽ സംരക്ഷിച്ചുകൊണ്ടായിരിക്കും രജിസ്ട്രേഷൻ വകുപ്പിൽ ഡിജിറ്റലൈസേഷൻ നടപ്പാക്കുകയെന്നും അദ്ദേഹം പറഞ്ഞു. സഹകരണ ബാങ്കുകളിൽ സ്വര്‍ണ്ണ വായ്പയുടെ പലിശ കുറയ്ക്കുന്നത് പരിഗണിക്കും. രജിസ്ട്രേഷൻ സ‍ര്‍ട്ടിഫിക്കറ്റുകൾ വൈകാതിരിക്കാൻ നടപടി സ്വീകരിക്കുമെന്നും വാസവൻ വ്യക്തമാക്കി, ഏഷ്യാനെറ്റ് ന്യൂസ് റിപ്പോ‍ട്ട് ചെയ്തു.
