മുംബൈ
ടോക്യോ ഒളിമ്പിക്സിനായി ഇന്ത്യ ഒരുങ്ങുകയാണെന്ന് ഇന്ത്യൻ ഒളിമ്പിക് അസോസിയേഷൻ പ്രസിഡന്റ് നരീന്ദർ ബത്ര അറിയിച്ചു. ഒളിമ്പിക്സ് നടക്കുമെന്നാണ് പ്രതീക്ഷ. അത് ലറ്റുകൾ ബംഗളുരു, പട്യാല ക്യാമ്പുകളിൽ പരിശീലനത്തിലാണ്. ഹോക്കി ടീമും ബംഗളൂരുവിലുണ്ട്. ഷൂട്ടർമാർക്ക് ക്രൊയേഷ്യയിൽ പരിശീലനത്തിന് അവസരമൊരുക്കി.
മെഡൽ പ്രതീക്ഷയുള്ള സംഘത്തെയാണ് അയക്കുക. 125-140 പേരെയാണ് പ്രതീക്ഷിക്കുന്നത്. ഒഫീഷ്യലുകൾ അടക്കം ഇരുനൂറോളം പേരുണ്ടാകുമെന്ന് ഈയിടെ രാജ്യാന്തര ഹോക്കി ഫെഡറേഷൻ പ്രസിഡന്റായി വീണ്ടും തെരഞ്ഞെടുക്കപ്പെട്ട ബത്ര പറഞ്ഞു.
