കൊറോണയെ തുരത്താൻ മന്ത്രം ജപിക്കുന്ന പൂജാരിയുടെ വിഡിയോയാണ് ഇപ്പോൾ സമൂഹ മാധ്യമങ്ങളിൽ വൈറലാവുന്നത്. പ്രശസ്‌ത ബോളിവുഡ് ഫോട്ടോഗ്രാഫറായ വരീന്ദർ ചൗളയാണ് വീഡിയോ ഇൻസ്റ്റാഗ്രാമിൽ പോസ്റ്റ് ചെയ്തിരിക്കുന്നത്. തീകുണ്ഡത്തിന്‌ മുൻപിലായി പൂജ സാമഗ്രികളോടെ ഇരിക്കുകയും മാത്രം ചൊല്ലുകയും ചെയുന്ന പൂജാരിയുടെ മന്ത്രം ആണ് ശ്രദ്ധ നേടുന്നത്. ‘കൊറോണ, കൊറോണ, കൊറോണ ഭാഗ് (ഓട്) സ്വാഹാ’ എന്നാണ് പൂജാരി ഉരുവിടുന്നത്. വളരെയധികം തീക്ഷ്ണമായാണ് പൂജാരി ഈ മാത്രം ഉരുവിടുന്നത്.
അതെ സമയം ഈ വീഡിയോ ചിത്രീകരിക്കുന്ന കക്ഷി പൂജാരിയുടെ മന്ത്രം ഉരുവിടൽ കേട്ട് ചിരിക്കുന്നതും വിഡിയോയിൽ കാണാം. ഇത് വിഡിയോയിൽ കാണുന്ന പൂജാരി യഥാത്ഥ പൂജാരി അല്ല എന്നും വിഡിയോയ്ക്കായി വേഷം കെട്ടിയതാണോ എന്ന സംശയം ജനിപ്പിക്കുന്നു. ഏതായാലും കേന്ദ്ര മന്ത്രിയായ രാംദാസ് അത്താവാല കഴിഞ്ഞ വർഷം പ്രശസ്തമാക്കിയ ‘ഗോ കൊറോണ ഗോ’ എന്ന പറച്ചിലിന് ഒരു ബദലായി മാറും ഓം കൊറോണ ഭാഗ് സ്വാഹാ എന്നാണ് പലരുടെയും പ്രതികരണം. ഗോ കൊറോണ ഗോ 2.0 എന്ന കുറിപ്പോടെ വരീന്ദർ ചൗള പോസ്റ്റ് ചെയ്ത വീഡിയോയ്ക്ക് ഇതിനകം 42,370 വ്യൂ ലഭിച്ചിട്ടുണ്ട്.
തമിഴ്നാട്ടിൽ കൊറോണ ദേവി ക്ഷേത്രം
തമിഴ്നാട്ടിലെ കോയമ്പത്തൂരിലുള്ള കാമഷിപുരി ആദിനം ക്ഷേത്ര അധികാരികളാണ് പൊതുജനങ്ങളെ കോവിഡ് നിന്നും രക്ഷപ്പെടുത്താൻ
യെ പ്രതീഷ്‌ഠിച്ചിരിക്കുന്നത്. ഗ്രാനൈറ്റിലാണ് കൊറോണ ദേവിയുടെ പ്രതിഷ്ഠ തയ്യാറാക്കിയിരിക്കുന്നത്. മാത്രമല്ല കോവിഡിനെ അകറ്റാൻ ക്ഷേത്രത്തിൽ 48 മണിക്കൂർ നീളുന്ന മഹായാഗം നടന്നതാണ് ഒരുങ്ങുകയാണ് കാമഷിപുരി ആദിനം. പൊതുജനങ്ങൾക്ക് ഈ യാഗത്തിൽ പ്രവേശം ഇല്ല എന്നും തന്ത്രിമാർക്ക് മാത്രമാണ് പ്രവേശനം എന്നും കാമഷിപുരി ആദിനം വ്യക്തമാക്കുന്നു.
