തിരുവനന്തപുരം: സംസ്ഥാനത്ത് മെയ് 30വരെ ലോക്ക് ഡൗൺ നീട്ടിയതായി മുഖ്യമന്ത്രി പിണറായി വിജയൻ. മലപ്പുറം ഒഴികെയുള്ള മൂന്ന് ജില്ലകളിൽ ട്രിപ്പിള്‍ ലോക്ക് ഡൗൺ എടുത്തു നീക്കിയതായും മുഖ്യമന്ത്രി വാര്‍ത്താ സമ്മേളനത്തിൽ അറിയിച്ചു. ഈ സാഹചര്യത്തിൽ എറണാകുളം, തൃശൂര്‍, തിരുവനന്തപുരം ജില്ലകളിൽ നാളെ രാവിലെ മുതൽ ട്രിപ്പിള്‍ ലോക്ക് ഡൗൺ ഉണ്ടാകില്ല.
Also Read:
മൂന്ന് ജില്ലകളിൽ രോഗവ്യാപന തോത് കുറഞ്ഞ സാഹചര്യത്തിലാണ് ഇളവുകള്‍ നൽകിയതെന്ന് മുഖ്യമന്ത്രി വ്യക്തമാക്കി. എന്നാൽ മലപ്പുറം ജില്ലയിൽ ട്രിപ്പിള്‍ ലോക്ക് ഡൗണിനിടയിലും ടിപിആര്‍ ഉയര്‍ന്ന നിലയിൽ തുടരുകയാണെന്നും ഇക്കാര്യം പ്രത്യേകം പരിശോധിക്കുമെന്നും മുഖ്യമന്ത്രി വ്യക്തമാക്കി. പോലീസ് സംവിധാനം കൂടുതൽ ജാഗ്രതയോടെ നീങ്ങുമെന്നും മുഖ്യമന്ത്രി വ്യക്തമാക്കി.
Also Read:
സംസ്ഥാനത്ത് പ്രഖ്യാപിച്ച ലോക്ക് ഡൗൺ മെയ് 23ന് അവസാനിക്കാനിരിക്കേയാണ് ലോക്ക്ഡൗൺ നീട്ടുന്നതായി കൊവിഡ് 19 അവലോകനയോഗത്തിനു ശേഷം മുഖ്യമന്ത്രി പ്രഖ്യാപിച്ചത്. 24 മണിക്കൂറിനിടെ സംസ്ഥാനത്ത് 22.22 ശതമാനമാണ് ടിപിആര്‍. എന്നാൽ ഇന്നു മാത്രം 142 മരണങ്ങള്‍ സ്ഥിരീകരിച്ചു. വരുംദിവസങ്ങളിലും മരണസംഖ്യ ഉയരാൻ സാധ്യതയുണ്ടെന്നും മുഖ്യമന്ത്രി വ്യക്തമാക്കി.
