ഹൈക്കമാന്റ് നിരീക്ഷകരായി എത്തിയ മല്ലികാർജുന ഖാർഗെയുടേയും വൈദ്യലിംഗത്തിന്റെയും റിപ്പോർട്ട് വിഡി സതീശന് അനുകൂലമായെന്നാണ് റിപ്പോർട്ടിൽ പറയുന്നത്.
കോൺഗ്രസിലെ 21 എംഎൽഎമാരെ കണ്ട് വ്യക്തിപരമായ അഭിപ്രായം ചോദിച്ചറിഞ്ഞ ശേഷമാണ് ഹൈക്കമാന്റ് നിരീക്ഷകർ റിപ്പോർട്ട് തയ്യാറാക്കിയത്.
രണ്ട് ഗ്രൂപ്പുകളും ചെന്നിത്തല തുടരട്ടെ എന്ന നിലപാടാണ് ഉന്നയിച്ചത്. എന്നാൽ കെ സുധാകരനെ അനുകൂലിക്കുന്നവരും യുവ എംഎൽഎമാരും പ്രതിപക്ഷ നേതാവിനെ മാറ്റണം എന്ന അഭിപ്രായമാണ് ഉന്നയിച്ചത്. കേരളത്തിലെ എംപിമാരുടെ ഭൂരിപക്ഷ അഭിപ്രായം വിഡി സതീശന് അനുകൂലമായെന്നാണ് റിപ്പോർട്ടിൽ പറയുന്നത്.
പുതുമുഖങ്ങളുമായി രണ്ടാം പിണറായി സർക്കാർ അധികാരത്തിൽ തുടരുമ്പോൾ രമേശ് ചെന്നിത്തല പ്രതിപക്ഷ നേതാവായി തുടർന്നാൽ കേരളത്തിൽ തിരിച്ചുവരവ് ഉണ്ടാകുമോയെന്ന ആശങ്ക നേതാക്കൾക്കുണ്ടെന്നും റിപ്പോർട്ടിൽ പറയുന്നു.
അതേസമയം, കെപിസിസി പ്രസിഡന്റായി കെ സുധാകരനെ പ്രഖ്യാപിച്ചേക്കും. യുഡിഎഫ് കൺവീനറായി പിടി തോമസ് എത്തിയേക്കുമെന്നും റിപ്പോർട്ടുകളുണ്ട്.
