ചുഴലിക്കാറ്റിന്റെ സഞ്ചാരപഥത്തിൽ കേരളമില്ല. അതേസമയം, കാറ്റിന്റെ പ്രതിഫലനം കേരളത്തിലുമുണ്ടാകുമെന്നാണ് മുന്നറിയിപ്പുള്ളത്. അതിനെ, തുടര്‍ന്ന് ശക്തമായ മഴ സംസ്ഥാനത്തുണ്ടാകുമെന്നും റിപ്പോര്‍ട്ടിൽ പറയുന്നു. ഈ ന്യൂനമര്‍ദ്ദം കേരളത്തിൽ മഴ കാലവര്‍ഷം നേരത്തെ ആക്കുമെന്നും സൂചനയുണ്ട്. ഇപ്പോഴത്തെ പ്രവചനം അനുസരിച്ച് മേയ് 31ന് കാലവര്‍ഷം കേരളത്തിലെത്തും.
തെക്കുപടിഞ്ഞാറൻ കാലവർഷം വെള്ളിയാഴ്ചയോടെ ആൻഡമാൻ കടലിലും ബംഗാൾ ഉൾക്കടലിലും എത്തുമെന്ന് കാലാവസ്ഥാ വകുപ്പ് അറിയിച്ചു.
ചുഴലിക്കാറ്റ് ആയി രൂപമെടുത്താൽ യാസ് എന്ന പേരിലാകും ഇത് അറിയപ്പെടുക. ഒമാനാണ് യാസ് എന്ന പേര് നിര്‍ദ്ദേശിച്ചത്.
വ്യാഴാഴ്ച രാവിലെ തിരുവന്തപുരം, കണ്ണൂർ, കാസർഗോഡ് എന്നീ ജില്ലകളിൽ ഒറ്റപ്പെട്ട സ്‌ഥലങ്ങളിൽ മണിക്കൂറിൽ 40 കി. മീ. വരെ വേഗതയിൽ വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
