ടി പി പീതാംബരനെ എൻസിപി സംസ്ഥാന പ്രസിഡന്റ് സ്ഥാനത്ത് നിന്ന് നീക്കണമെന്ന് ഒരു വിഭാഗം പ്രവർത്തകർ ദേശീയ നേതൃത്വത്തോട് ആവശ്യപ്പെട്ടിരുന്നെന്നാണ് റിപ്പോർട്ട്. കോൺഗ്രസിന്‍റെ മുതിർന്ന നേതാക്കളിലൊരാളായ പിസി ചാക്കോ തെരഞ്ഞെടുപ്പ് സമയത്ത് സീറ്റ് വിഭജനത്തിലെ അതൃപ്തി പരസ്യമാക്കിയായിരുന്നു പാർട്ടി വിട്ടത്. പിന്നാലെ തന്നെ എൻസിപിയിൽ ചേർന്ന് പ്രവർത്തിക്കാൻ ആരംഭിക്കുകയും ചെയ്തു.
Also Read :
കോൺഗ്രസിൽ നിന്ന് കൂടുതൽ നേതാക്കൾ വരും ദിവസങ്ങളിൽ എൻസിപിയിലേക്ക് വരുമെന്ന് പിസി ചാക്കോ പ്രതികരിച്ചു. എൻസിപി വിട്ട മാണി സി കാപ്പനെക്കുറിച്ച് പ്രതികരിച്ച അദ്ദേഹം കാപ്പനെ തിരിച്ചെടുക്കുന്നതിൽ ചർച്ചയില്ലെന്ന് പറഞ്ഞതായി ഏഷ്യാനെറ്റ് റിപ്പോർട്ട് ചെയ്യുന്നു. എൽഡിഎഫിൽ തുടരണമെന്ന എൻസിപി നിലപാടിന് വിരുദ്ധമായാണ് കാപ്പൻ പ്രവർത്തിച്ചതെന്നാണ് അദ്ദേഹം പറഞ്ഞത്.
Also Read :
അധികാരമേൽക്കാൻ പോകുന്ന സ‍ർക്കാരിൽ പാർട്ടിക്ക് വകുപ്പ് മാറ്റി നൽകിയതിനെക്കുറിച്ചും ചാക്കോ മാധ്യമങ്ങളോട് പ്രതികരിച്ചു. മുന്നണി തീരുമാനത്തിൽ തെറ്റില്ലെന്നും, മെച്ചപ്പെട്ട വകുപ്പാണ് എൻസിപിയ്ക്ക് ലഭിച്ചതെന്നുമാണ് അദ്ദേഹം പറഞ്ഞത്. വനം വകുപ്പ് പ്രാധാന്യമുള്ള വകുപ്പാണത്. വനം വകുപ്പ് ലഭിച്ചതിൽ സംതൃപ്തിയുണ്ടെന്നും പി.സി.ചാക്കോ പറഞ്ഞു.
